ودعتك000 قصيدة مؤثرة

[ميتووو]

هذه القصيدة المؤثرة " ودعتك " .

تعبر عن مشاعر و احاسيس الكثيرين .
احببت إضافتها هنا .. لعلها تلمس شغاف القلوب ..و وجدانهم العاطفي ..

ودعتك الله لو على قلبي اخطيت *** وحاربتني من دون ذنب وخطيه

احسبك تذكرني إذا اصبحت وامسيت *** واثرك على فرقاي نفسك هنيّه

الله واكبر كيف عنّي تخلّيت *** من بعد مـا علقـت روحـي البريّـه

وش غيّرك وش بدّلك ليه صدّيت *** وانت الذي بالقلب نبض وهويّـه

من هو بقى لي بعدما عنّي اقفيت *** وقدمتنـي للحـزن اثمـن هديّـه

كلش تخيلته ولا يوم ظنيـت *** إنـك لحـد غيـري ولانتـاب ليّـه

ويلك من الله كيف بالحب ضحّيت *** قلبك حجر ما حنّ يـومٍ عليّـه

اللي بنينا بْعمر في يوم هدّيت *** واحلامنـا مـا عـاد منهـا بقيّـه

اتعد غلطاتي إذا يوم زليت *** من دون مدري .. وين ذيـك الحميّـه

مافيه معصوم الخطا لو تحريت *** ولا فيه كامل غيـر رب البريّـه

ولو ما احبك ما نشدتك ولا اطريت *** بعدك وصدك وانتخيتك نخيّـه

ترجع لقلبٍ يوم بالعقل حبيت *** وتترك هل الأحقـاد واهـل الوشيّـه

خايف عليك وخايفٍ منك ياليت *** مايوم حبيتك وصـرت الضحيّـه

لا نيب حي بعد هجرك ولا ميت *** ولا ني مريض ينعرف بالشكيّـه

لكني ادرى بحالتي لا ترديـت *** ولا ينفـع الملتـاع طبـه وكيّـه

مالي سوى اللي كلما راح ناديت *** يا كود يسمعنـي ويرجـع إليّـه