بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
اطلعت على موضوع للاخت ..خاتم ذهب .. وهو عن المعاق والتجربه ان تكون مثله ...
فقلت لما انزل حب هالمعاقين من قلبي واحطه في هالمنتدى .. لاني حاس انكم اهل لحبهم .
القصه الاولى ...
تعرفت على مجموعة من المعاقين في احدا المراكز التاهيل الشامل وكانت بالصدفه .... وبعد مرور السنوات معهم كنت ازورهم اسبوعيا .. او اذا كنت ضايق صدري شوي مريتهم ..المهم قبل عيد الفطر ليلة العيد كنت موجود عندهم . على انه يوم العيد بيروح كل واحد لاهله . تعيدنا .وخذيتلي نومه والعصر جاء في خاطري امر المركز فيه معاقين مالهم احد . وصلت المركز الا واحد اعرفه مشخص لابس ثيابه وجالس ينتظر وماحد جاه ..تبون الصراحه منظر حزين بمعنا حزين .سلمت عليه بديت ادبر لاهله اعذار .. ماش المسكين مايسولف معي زين او انه يحاول يتجاهل . استاذنت منه ورحت لاحد الموظفين .وعطاني رقم اهل المعاق ..دقيت ..ردت امه ..كبيره ازعاج وراها ..قلت ليش ماخذتوه ..قالت مشكله عندنا ضيوف وصعب تنقله بالعربيه . قلتلها فيه احد.من اخوانه ...كلمته ليش . . عطيته كم كلمه . وفعلن يوم جاء قبل المغرب اتصلت قالو جاه اخوه واخذه .
المعاقين محتاجين حنان وعطف وين الشباب الي يقولون قست قلوبنا .
هي زياره وحده وبتحبهم .
عاملهم طبيعي دف الوحد بعربيته لين يصفق بالجدار عايدي .. والله يفرحهم .
جب معك اي مشروب وكيسان يعني 10 ريال ان كثرت . وسع صدورهم الله يوسع صدرك بالعافيه .