|
تغطية مصوّرة لزيارة الأعضاء للمربي الفاضل/ مطلق بن فالح السبيعي.
في يوم الأثنين وتحديداً بعد صلاة مغرب ذلك اليوم 19/11/1432هـ تمت زيارة أعضاء منتديات عرقة<O:p للمربي الفاضل / مطلق بن فالح السبيعي في منزله العامر حفظه الله<O:p وتحتل زيارتنا هذه المرتبة الحادية عشرة من بين عشر زيارات قام بها الأعضاء وقد اعتذر عن الزيارة بعض الأعضاء لظروفهم الخاصة وهم: عبدالله القصيّر ( أبو محمد ) وناصر الحويل ( عصيم ) وسلمان عبدالله البريدي ومحمد الدعجان وعبدالله بن مالك في بداية زيارتنا له سلمه الله استقبلنا بوجه بشوش وقد غمرته السعادة حتى أصبح يُردّد: ( مع أنه لا يجوز لكن اليوم عيد عيد ) فهو كعادته مُحب للجمعات، ومُحب للسواليف الطيّبة، ومُحب لعلوم المرجلة وبعد أن أخذ كلاً منا مكانه في مجلسهِ العامر، قام بشكر أعضاء المنتدى على هذه الزيارة والتي أعتبرها من الزيارات التاريخية والتي لن ينساها. وقد تمنّى أبو ناصر أن لو كانت الزيارة بعد العشاء ولكننا قد رفضنا طلبه هذا سابقاً خشية إنشغال بعض الأعضاء فالمغرب هو الأنسب. بدأ أبو ناصر بسرد تاريخه العلمي المُشرِّف، وقصص حصله له، فقال: بدايةً تخرّجتُ من ابتدائية عرقة وكان مديرها ذاك الحين السدحان في بداية الأمر، ثم جاء بعده أبو عادل محمد الرسيمي حفظه الله <O:pومدرسينا في ذلك الوقت ابو عادل وهو مدير أيضاً وعبدالله بن ضيعان وعبدالرحمن بن شبيب رحمهما الله، والبقية من الخارج أما المتوسط فدرستهُ في المعهد العلمي في البطحاء عام 1381هـ وأمضيتُ فيه 6 سنوات متوسط وثانوي<O:p وكان عمليّة النقل أي الذهاب للمعهد أنه وافق ذاك الوقت تو الناصرية تُبنى، فكان هناك قلابيات رايحه جاية، فكنا نركب مع القلابي، وقلابي في قلابي لين نوصل وإذا حولنا إذا مخابينا مليانه بحص وتراب :smile: ونرجع عاد مع سيارة البريد.<O:p بعدين شريت سيارة فورت شريتها من الشيخ ابراهيم بن عتيق رحمه الله، وصرنا نروح فيها سوا أنا وزملائي إبراهيم بن مالك وناصر بن عميرة وسعد الحرابي وصالح الحسيني، ونعود سوا.<O:p تابع - - - |
وأذكر موقف طريف مع سيارتي الجديدة: فبعدما شريت الفورت صرنا نروح سوا للمعهد، ومرة (تعرف الشباب والجهل يجي فيه صدمات بعض الاحيان) كان معنا بوري موسيقة وهو ممنوع، ولحقنا عسكري ووقفنا وتونا طالعين تعبانين من الدراسة، المهم قمنا وركّبناه معنا وخليناه بيننا والرجال يبغى ينزل وحنا رافضين ونقول له خلك احسن وش دخلك فينا سيارتنا وبورينا :a018[1]: المهم ونواصل لين تعدينا قصر الملك فيصل الله يرحمه، قلنا بتحوّل وإلا بتخاوينا ؟! قام وحوّل وراح على رجيله وجلس يرصدها لنا، والمشكلة ما فيه درب إلا من عنده :v9v9net_020: والله مشكلة ونجي وكان معنا بن قنيفذ أبو فيصل الله يذكره بالخير ويوم مرينا من عند العسكري وما صدق شافنا إلا ويطب فوق كبّوت موترنا ما قدرنا نمشي قام وحولنا وراح بنا عند العريف، والعريف في ذلك الوقت كأنه لواء الأن، ولين بن قنيفذ صار يعرفه من حسن الحظ، وأنا حقيقة توني ما قصيت رخصة لينه مالنا حق إلا بعد أن يكون عمرك 18 سنة فما فوق وحنا تونا أقل منها، قالوا لي الأن تفك البواري، وعطنا الرخصة قام بن قنيفذ وظهّر رخصته وعطاه أياه ومشت عليه :) الحمدلله.<O:p المهم بعد المعهد دخلت الجامعة بتوفيق من الله ثم من الوالد فقد كان حريصاً على ذلك، فدخلتُ في كلية الشريعة وكنتُ الوحيد اللي درس في الجامعة من أهل عرقة.<O:p وأتذكر إحدى المواقف إذا ستر الله عليك وإلا تروح فيها: كان وادي حنيفه يمشي، وكان عندنا اختبارات والنظام نظام دور يعني إذا رسبت يخلف الله يعني تعود سنة، وما كان فيه كباري المهم يوم جيت لين الوادي يمشي وعندي اختبار مشكلة، قمت وفسخت ثوبي وحطيته على رقبتي وحطيت دروسي على راسي وبديت أقطع الوادي وإذا بالشيخ إبراهيم بن عتيق الله يرحمه يصيح أمسكو المهبول أمسكو المهبول أمسكو المهبول، والوادي قوي ويلعب بي لكن الرغبة أكيده وصراحة بدأ التراب يمر تحت رجلي لكن الله ستر كنت في آخر الوادي من الجهة الأخرى والله وقطعته لين فيه رجال والله مدري منهو قال أنت وش عندك قاطع الوالدي الله يستر، قلت وش أسوي عندي اختبار قال أركب أركب وركبتُ معه ووصلني بسرعة والله ما نشّرت ثوبي إلا عند اللجنة :) قالوا وش فيك وش فيك قلت الوادي وش نسوي. <O:p تابع - - - |
كان طلاب عرقة متوزعين على المدارس في الرياض في مدرسة المعتصم ومدرسة فلسطين وغيرها، فطالبنا أن يتم فتح المتوسطة في عرقة، والحمدلله جاءت الموافقة على ذلك. ثم عُيّنت مديراً لمتوسطة عرقة، فذهبتُ لمدير التعليم وقلتُ له ما جعل الله لرجل من قلبين في جوفه، تبغاني مديراً لمدرسة فلسطين ومديراً لمدرسة عرقة !! قال عرقة يبغالها تأثيث، قلتُ وين أثّثها وأنا أداوم، قال أجل دوّر لك مدرس وحطه وكيل عندك لين تصلح مدرسة عرقة، وسويت مثل ما قال والحمدلله صلحت مدرسة عرقة خلال شهر وتم افتتاحها رسمياً وذلك في عام 1397هـ. ومكثتُ بها مديراً لين تقاعدتُ فقد مكثتُ قرابة 27 سنة بها.<O:p وفي السنوات الأولى بالمتوسطة طالبتُ بفتح فصل أولى ثانوي بعرقة وحقيقة لم يُقصِّر الشيخ محمد بن روّاف رحمه الله فقد قام بمخاطبة مدير التعليم في ذلك الوقت وهو ناصر الداود الذي هو الأن وكيل إمارة منطقة الرياض فقد كانت علاقة الشيخ محمد رحمه الله مع ناصر الداود علاقة قوية جداً، وحق يُقال أن الدكتور ناصر كان متجاوباً جداً وهو يملك خلق كبير، فوافق على ذلك ورُفع الأمر للوزارة فقالوا ما فيه إمكانية أبداً، فذهبتُ للدكتور ناصر الداود وقلتُ له ما نبي منكم شي الله يسلمك غير الكتاب فقط، فقال والمدرسين، قلتُ أبد عندنا مدرسين ( وأنا أبغى بس يجي السماح لفتح الفصل ثم فيها حلاّل ) بعدها جاء السماح وتمينا ثلاثة أسابيع لين الطلاب ما عندهم مدرسين، فرفعنا للوزارة فقالوا مين أذن لكم؟ قلنا مدير التعليم وعندنا صورة منه، والحمدلله عدّت الأمور على خير واستمرت المدرسة حتى الأن.<O:p بعد ذلك تم توجيه سؤال لأبو ناصر: <O:pهل تذكر لنا موقف طريف أو محرج حصل لوالدك: فقال:<O:p الوالد الله يسكنه الجنة مواقفه كثيره، فهو أوّل ما طلّع رخصة، وقد طلّعها له الأخ العزيز فهاد بن عبدالهادي الله يجزاه خير، كان الوالد ماسك الخط، وشاف دورية الشرطة يفتشون، وكان الوالد سياقته مش حالك، المهم الوالد وقف على طول ودق ريوس وهو جالس يناظرهم وما درى إلا وهو بين الرصيفين متعلّق :v9v9net_020: فجاء الشرطي بسرعة وقال تعال تعال معك رخصة، قال أيه معي، فقام الشرطي وخذها منه وراح هو وأياه للقسم، لين فيه واحد عليه رتبة عالية، فقال له وش فيك أنت، قال الوالد والله منحاش منكم، قال ليه، قال مدري :a018[1]: قال معك رخصة قال أيه، قال هالرخصة من أعطاك أياها، قال الوالد جابها لي جعل عمره يطول :) يعني عطاهم على المكشوف. معناتها أنه لم يختبر جاته الرخصة بواسطة الله يرحمه. ومرة من المرات الوالد راح يحش للغنم وهو راجع كان معه حشيش للغنم وكيسه فيها موية وبيبسي، لين الشرطة يفتشون، فوقفوه وقالوا له وش معك، قال أبد مغير شراب وحشيش :shocked: على بساطته رحمه الله ( ونقول وش خليت يا أبو مطلق شراب وحشيش مرة وحدة :) ) الله يغفر لك ويرحمك. وتم توجيه سؤال له من قِبل العضو عبدالرحمن المالك فقال يا أبو ناصر أذكر لنا قصة صالح الحسيني يوم يروح لسوق الغنم، فقال أبو ناصر: كان سعد الحرابي وصالح الحسيني مفتونين بالغنم مرة، ومرة من المرات لعبوا علينا عشان نروح معهم لسوق الغنم ونخلي الدراسة، وفعلاً رحنا معهم لسوق الغنم، ويوم دخلنا السوق جلس سعد الحرابي وصالح الحسيني يدورون ويناظرون في الغنم وعجبتهم وحدة فجلسوا عندها ( ومن الصدف العجيبة ) إن سعد الحرابي وصالح الحسيني من جهه ومحمد الحسيني الله يرحمه من الجهة الثانية :a018[1]: قال سعد الحرابي لصالح يوووه مشينا مشينا أبوك هنا عجّل لا ينتبه لنا ثم نروح فيها، قال صالح يوووه لو شافنا كان يكسّر العصا على ظهورنا، وطلعنا بسرعة من السوق، الحمدلله عدّت على خير. |
تم توجيه سؤال يا أبو ناصر كيفك مع عيالك في المدرسة ( يعني انت مدير وهم طلاب ) قال أبد والله دبل مرتين. فقال أبنه ناصر على طاري هالسؤال فيه قصة: مرة أنا وعبدالملك المرشد وياسر المعيلي وشلتنا كنا في المتوسط جبنا معنا فطور عسل وقشة وجبن وتونه، فكان علينا حصة رياضة، المهم صكينا الباب وقربنا الماصات وحطينا الفطور، ووصل الخبر للإدارة، مدري كيف وصل، المهم تونا منتصفين في الفطور إلا الباب يطق افتحوا افتحوا وكيل المدرسة الحمدان الله يذكره بالخير فقالوا الشباب المدير وصل المدير وصل فدخل علينا المدير وكأن الأمر عادي جلس يطالع شوي وحنا وزينا الفطور إلا قواطي التونة والجبن ما امدانا عليها فحطينا عليها ورق عشان ما يُنتبهى لها، شوي إلا كأنه مرسل لها ابعد الورق إلا هالقواطي قدّامه :shocked: قال زين خذوا راحتكم ومشى ثمن جت الفسحة وجت بعدها الحصة وخلصت، قلنا زين عدت الأمور على خير، يوووم جت الحصة قبل الأخيرة كان علينا تعبير، قاموا ونادوني وعبدالملك المرشد وكذا شخص فقال مين اللي جاب الفطور المهم كلاً ما يبغى يعلّم على الثاني، قال تكلموا وما أحد تكلّم، قال أجل تعالوا للإدارة، وجيت أنا أوّل واحد قال لالا أنت خلك على جنب، المهم كل واحد عطاه على يده ضرب لين خلصوا، ثم طلعوا يوم طلعوا قام سكّر الباب وقفّله بالمفتاح ثم جاء لمّي وقال لا باب النجار مخلوع :wink: أنا أورّيك وشلون، وطلع لي ما بعد شفته لا برا ولا في البيت، وخذ ضرب ضرب وأنا أصايح وأدور أنا والوالد في المكتب واناقز على الطاولة يمين شمال ابغى اتخلص من الضرب وحست المكتب كله، وكل ما مريت من عند الباب فتحت الباب قفله لين قدرت افتحه إلا حمد بن شبيب الله يشفيه قدّام وجهي وادزّه قال وشفيك وشفيك قلت وخّر فقام حمد الله يشفيه ودخل على المدير الوالد وقال خلّه خلّه طلبتك تكفى خلّه خلاص، وأنحاش، المهم من الربشة طلعت برّا المدرسة وسيده على البيت لا نعال ولا خذيت كتبي ولا شي ولا شفت الوالد إلا بعد صلاة المغرب وجيت خايف قال ها وتعوّدها مرة ثانية بعد، قلت خلاص تووووبة طرّاها قولت الوالد عيالي دبل. أجل يا أبو مطلق فطور في المدرسة لكن الحمدلله أنه تم الانتباه لكم وإلا شكل البخاري في الطريق :) بكل حق كانت زيارة ممتعة كيف لا، وفارسها أبو ناصر، ولكن الوقت لم يسعفنا لنواصل الحديث والقصص الشيقة، وحقيقة ندمنا أننا اخترنا هذا الوقت فهو وقت قصير ولدى أبو ناصر مزيد مزيداً من الحديث، لكن لعله يكفي اجتماعنا معه وأخذ مشواره العلمي المشرّف، ولعل أن تكون لنا جلسات معه مستقبلاً. تابع - - - |
مع صور الزيارة: أبو ناصر سلمه الله أخذتنا الابتسامة معه كثيراً: http://www.ergah.com/vb/imgupload/up...3b6a6bad34cjpg صورة تجمع الشيخ عبدالرحمن الرسيمي والأخ شاكر الرسيمي والأخ مأمون الزهيري وانسجام تام: http://www.ergah.com/vb/imgupload/up...78380088399jpg أبناء المربي الفاضل مطلق وهم الأخ عبدالله والأخ فهد والأخ فالح ومتابعة دقيقة للحديث: http://www.ergah.com/vb/imgupload/up...6240b816c3djpg حديث باسم تكرر كثيراً بين المربي الفاضل أبو ناصر والشيخ عبدالرحمن http://www.ergah.com/vb/imgupload/up...cb31c76f1a9jpg جانب من الحضور الأخ / مطلق بن ناصر والأخ / عبدالله بن فرّاج http://www.ergah.com/vb/imgupload/up...d2f5bfb093cjpg جانب أيضاً من الحضور الأخ / محمد بن مطلق والأخ / عبدالله بن فرّاج والأخ /فالح بن مطلق والطفل / عسّاف بن عبدالله http://www.ergah.com/vb/imgupload/up...a80f780a8acjpg متابعة مع الأخ / متعب الحرابي حول صوّر خاصة ( أتمنى أن لا يرى هذه الصورة العضو لاتكابر فالنهاية مقابر ثم ننشب :wink: ) http://www.ergah.com/vb/imgupload/up...32377de3c33jpg يخرج في الصورة الأخ / عبدالله العصيمي ومن يُكرم الضيوف الأخ / عبدالله بن ناصر http://www.ergah.com/vb/imgupload/up...363938c1e8cjpg الأخ / مأمون الزهيري والأخ ناصر بن مطلق والأخ / عبدالله بن مطلق وتأمل في حديث المربي http://www.ergah.com/vb/imgupload/up...3e625a93480jpg تابع - - - |
ابتسامة تكررت كثيراً في مجلس أبو ناصر http://www.ergah.com/vb/imgupload/up...620103c7637jpg الشيخ أبا الحارث مثري الزيارات دوماً: http://www.ergah.com/vb/imgupload/up...1d334424f51jpg والأطفال كان لهم حضور للإستفادة من أحاديث الكبار: http://www.ergah.com/vb/imgupload/up...3295f93e753jpg جلسة الضيافة: http://www.ergah.com/vb/imgupload/up...fa9ca8d47c6jpg يا عيني على الهواجيس يا مشاري :) http://www.ergah.com/vb/imgupload/up...dcdd2ac872fjpg أبو ناصر في وداعنا ويظهر الأخ / بندر البريدي http://www.ergah.com/vb/imgupload/up...67918eed126jpg العضو/ مأمون الزهيري: http://www.ergah.com/vb/imgupload/up...78a074cfbaejpg مع أبو ناصر وأبناءه: http://www.ergah.com/vb/imgupload/up...bc5c784ed05jpg حفظهم الله وجعلهم قرة أعين لوالديهم: http://www.ergah.com/vb/imgupload/up...73dac87f8c4jpg إلى هنا نكون قد وصلنا إلى ختام زيارتنا المباركة، ونشكر العضو سفير عرقة على تصوير اللقاء حتى نلقاكم بإذن الله في زيارات قادمة نستودعكم الله والسلام عليكم ورحمة الله وبركاته. |
زياره جــداً رائــعه
استمتعــنا بالقصــص ^_^ يعطيــكم العافيــه على تقريــر الزيــاره وتغطيــة الصــور واللــه يطول بعــمر ابو ناصر دمــــتم بخيــر وود |
مشكور أبو عمر على التغطية الجميلة
ومثل ما قلت الجامعة كانت سبب في عدم حضوري :mad: وصراحة عجبتني قصة الحشيش :):):) |
قصص رائعة من رجل رائع
ونحن وددنا لو كان الوقت أطول لانستمتع مع قراءة القصص. وسلامي على صديقي التالي : :) http://www.ergah.com/vb/imgupload/up...6240b816c3djpg |
الحمدلله أخيراً وصلتو لزيارة أبو ناصر :)
أحد رجالات عرقة والذي أظهر أجيال وراء أجيال تحتل زيارته رقم 11 !!!!!!!!! غريبة عليكم وخصوصاً منسق الزيارات بن مرشد اعذرني يا بن مرشد على هذا العتب ولكن أبقى مستغرباً هذا التاخر الطويل ! ثم يا بن مرشد ذكرت في الدعوة للزيارة أنها الزيارة التاسعة ثم عدلتها وعند التغطية كتبتها الزيارة الحادية عشر ! كيف؟ يعني طمرت عددين عشان تزيد زياراتكم ؟!!!!! لا تغضب يا بن مرشد فانا من محبيك ومحبي نشاطك، لكن ما يمنع أن أعاتبك. تقبل عتبي. شكراً. |
| الساعة الآن 05:47 PM. |
Powered by vBulletin® Version 3.8.1
Copyright ©2000 - 2024, Jelsoft Enterprises Ltd diamond