مشاهدة النسخة كاملة : المركز الصحي ل عرقة
turki
07-13-2009, 11:34 AM
السلام عليكم ورحمة الله ....
أحبابنا كثيرا ما أمر على المركز الصحي بعرقة بشكل سريع من خلال الطريق والا لم يتيسر لي زيارته
لأي سبب بس شدني صغر حجم المبني يكاد يكون أصغر مركز صحي شفته ....
حاب أسأل عن العيادات والأقسام اللي فيه مثلا هل فيه
باطنه او طبيب عائلة أو طبيب اسنان وهل هو قسم نساء ورجال وكيف الاهتمام فيه بالمريض او المراجع الخ....
ممكن تفيدوني
Abdulaziz1978
07-13-2009, 11:41 AM
بإختصار شديد
لا كثرو دبرو
وبالنسبة للاقسام والله ما عندي خلفيه بالضبط بس للإمانه اذكر اخوي يسولف من فترة طويله يقول عندهم طبيب اسنان كووويس ،
turki
07-13-2009, 01:07 PM
بإختصار شديد
لا كثرو دبرو
وبالنسبة للاقسام والله ما عندي خلفيه بالضبط بس للإمانه اذكر اخوي يسولف من فترة طويله يقول عندهم طبيب اسنان كووويس ،
حياك عبدالعزيز...
لا كثرو دبرو ؟؟؟ ما فهمت
انا اقصد المركز الصحي الحكومي هل تعرف شي عنه
Abdulaziz1978
07-13-2009, 01:21 PM
حياك عبدالعزيز...
لا كثرو دبرو ؟؟؟ ما فهمت
انا اقصد المركز الصحي الحكومي هل تعرف شي عنه
ههههه
هذا مثل طال عمرك بما معناهـ (انو لا كثرو الاشخاص قل عملهم او دبرتهم في الشيء)
ايه جبتها على الجرح يا تركي لكن الشكوى لله
تروح للمركز الصحي بتموت يعطيك بندول والا
خافض للحرارة يعني الدكتور اللي فيه شكله بيطري
اذا جاك اي شي تضطر تروح لحي الرائد والا الجامعي
طيب وش دور مركز صحي عرقة .... دكتور ...
ممرضين ... موظفين ... على الفاضي .. شكرا لكم
turki
07-14-2009, 01:31 PM
ايه جبتها على الجرح يا تركي لكن الشكوى لله
تروح للمركز الصحي بتموت يعطيك بندول والا
خافض للحرارة يعني الدكتور اللي فيه شكله بيطري
اذا جاك اي شي تضطر تروح لحي الرائد والا الجامعي
طيب وش دور مركز صحي عرقة .... دكتور ...
ممرضين ... موظفين ... على الفاضي .. شكرا لكم
ياليت تقولون لي من أي جنسية طبيب الأسنان .. للضرورة ...:d
ابو حمدي
07-18-2009, 10:30 AM
صراااااااااااااااااااااااااااااااااااااااااااااااا ااااااااااحه هذا الموضوع الي يستحق الحذف
مركز عرقه الصحي غلط في غلط يعني ماينفع ابدا ولا فيه امل يتطور ومبناه صغير جدا وانا عن نفسي لا قدر الله ومرضت لن اذهب اليه مهما كان اجل تصدقون لو تروحله وتقول للدكتور عفوا ( البيطري )
اذني توجعني , شعري يحكني , عقالي خربان على طول يعطيك بنادول فيفادول هذا بس العلاج المستهلك عندهم فقط لا غير واذا تبونه ينجح لازم يتطور ويتغير كامل ويتوسع المبنى وشكرا
اخوكمــــــــ ابو حمديـــــــــــــــــــــــ
ولاية عرقه المتحده
07-18-2009, 09:38 PM
اقول اخوي ابو حمدي وش رايك لو يقلبونها عيادات بيطرية ......
مهوب ازين عشان اذا مرضت السلق توديها لها.......
ابو حمدي
07-19-2009, 12:35 PM
هههههههههههههههههههههه شكرا اخوي بس حاب اصحح المعلومه واقولك انت اذا مرضت باوديك
وجزاكم الله خير
عرقه دوله
07-19-2009, 01:03 PM
طبيعي يا ابو حمدي اذا وديته بيعطونك فيفادول والا بنادول..... خخخخخ
ابو حمدي
07-19-2009, 02:40 PM
ههههههههههههههههههههههه والله انك يا اخوي صادق ولا قلت شي غلط لا وازيدك من الشعر بيت لو تروح تبي تسلم على احد تعرفه على طول الدكتور يعطيك بنادول
تركي بن محمد الدوسري
07-19-2009, 02:50 PM
مشكرين على هذا الموضوع حطين 8 سعودين هذوي في الاستقبال وفي المكتب بنقالي متخرج من مستشفى المجنين وذا دخلة عليه قلك وشفيك قلتها مع ( مغص في بطني ) قال رح اسدح على سرير المرض ثم انسدحت يقول خلاص موجود العلاج وشو يا دكتور قال خذا بنادوب او كاس عصير ليمون بس ..........................................اخره
يخي هذولي 8 السعودين ممرضين كلهم رعين غنم وبل هههههههههههههههههههههههه....
ابونواف
07-19-2009, 06:59 PM
الله يغنينا عنهم بالعافية بالعكس جيدين على الاقل يكفيكم مقابلتهم البشوشة والله يخلينا واسطتنا "ابوخلي"
العنبراوي
07-22-2009, 05:24 PM
مشكرين على هذا الموضوع حطين 8 سعودين هذوي في الاستقبال وفي المكتب بنقالي متخرج من مستشفى المجنين وذا دخلة عليه قلك وشفيك قلتها مع ( مغص في بطني ) قال رح اسدح على سرير المرض ثم انسدحت يقول خلاص موجود العلاج وشو يا دكتور قال خذا بنادوب او كاس عصير ليمون بس ..........................................اخره
يخي هذولي 8 السعودين ممرضين كلهم رعين غنم وبل هههههههههههههههههههههههه....
مشكرين : مشكورين
حطين : حاطين
سعودين : سعوديين
هذوي : هذولي
المجنين : المجانين
دخلة : دخلت
قلك : قال لك
قلتها مع : قلت له معي
المرض : المرضى
بنادوب : بنادول
رعين : راعين
تحياتي المترجم حق تركي
^_^
العنبراوي
07-22-2009, 05:27 PM
بس تبون الجد ..
المستشفى هذا شكلهم حاطينه علشان يتعبون المرضى .. مهب علشان يعالجونهم ..
ياخي كل السعودين شغلهم قهوة وشاهي وسواليف .. لا ويجيبون العزب ويصلحون الشاهي والقهوه في نفس المستشفى ..
وذا البنقالي في الغرفة قاعد يلعب في العالم ولا رقيب ولا حسيب ..
مانقول الا حسبي الله ونعم الوكيل على اللي نشوفه منهم
عرقه دوله
07-22-2009, 06:13 PM
كلام في الصميم يا ولد خالتي ماهو مستوصف ذا ..... المشكلة اذا شفت اللوحة من بعيد اكبر من المستوصف...
ولا لوحة مطعم... تهي كييككيكاككيك تهي^^__^^
بعدين ما قد شفت مستوصف في الدور الثاني بس ما ادري موضه ولا حركة جديدة ....
النسخة الماسية الإصدار vBulletin 3.8.1
bdr130.net