المساعد الشخصي الرقمي

مشاهدة النسخة كاملة : لايشترط التفرغ (الي يدور على دخل اضافي) لكن لي نسبه من الدخل

كحيلان
10-17-2011, 02:21 PM
السلام عليكم ورحمة الله وبركاته
الي يدور على دخل اضافي
عندي فكره لكن لي نسبه من الدخل
1-يسجل جواله في المنتدى وأي واحد يبي يخلص شغله وهو موب فاضي اما مسافر او في عمل ولا يستطيع الخروج أو لأي سبب اخر نتصل به ويخلص الشغله الي نطلبها منه حتى لوكان توصيل بعض الطلبات الى البيت.
وش رايكم مهوب فكره حلوه.
ربي ارزقني وارزق مني.
امل اعطائنا وجهة نظركم يا اخوان .
محايد
10-17-2011, 02:30 PM
اخوي كحيلان مشكور على هالفكرة

بالنسبة لي لا استسيغها ابدا لمالها من اثار سلبية
ذيب عرقة
10-17-2011, 02:48 PM
حلوة يا كحيلان :)

ونشوف الإدارة وش تقول
كحيلان
10-17-2011, 02:54 PM
كل شي له ايجابيات وسلبيات حتى كاس المويه يمكن تشرب فيه ما ويمكن تشرب فيه شراب لكن نأخذ بالأسباب ونتوكل على الله
والي من الله حياه الله
وشكراً على مرور الجميع
صمت عرقه
10-17-2011, 05:16 PM
فكـــره رائـــعه/لكن لا اعلم هل بيتقبــلونها ولا لا وهل بعمل بها احــد!

تقبــل مروووري

ودمــت بخيـر وود
النادر
10-18-2011, 02:00 AM
اخوي كحيلان فكره رهيبه وتنفع الي يبي يستفيد من وقته بعضنا دوامه مسائي وبعضنا شفتات

بس طلبات البيت يجيبها راعي البيت
كحيلان
10-18-2011, 09:59 AM
السلام عليكم ورحمة الله وبركاته1- وش بلا ها الشبابا يقولون ما فيه وضايف وانا قاعد اتعب وافكر لهم وبالنهايه يقولون ما نبغا .
2- بعدين الشغل موب عيب العيب انك تناظر لفلان وفلان يعطيك او يردك .
3- بالنسبه للدوامهم شفتات اذا قضى الغاز وانت بالدوام وش تسوي تقعد بلى غدى .
4- بعدين موب لازم سعودي اذا كان السعودي يستعيبها .
5- جزاكم الله خيرا على التفاعل .
6- شكر خاص لكل من ابدى رئيه في الموضوع .
أبو فارس
10-19-2011, 12:56 AM
يعني تبينا نشتري دبابات ونوصل طلبات ،،، اعتقد ما ينفع نوصل طلبات في الكامريات واليوكنات q-*1
وحداني الرياض
10-19-2011, 02:19 AM
فكره ممتازه للي يبي دخل اضافي
أبو عبدالإله
10-19-2011, 08:23 AM
فكرة رائعة ولكن نشر رقم الجوال ممنوع والرسائل الخاصة تقوم بالمهمة
محبوب عرقه
10-19-2011, 08:41 AM
الغريب ان اغلبية الردود أتت بأن الفكرة رائعة ورائدة منوعها .. فيا من يُريد أن يُنهي مستلزمات الاخرين او بالاخص الجيران بإحتياجاتهم عليه بمساعدة أهله قبل أن يدعي بأنه رجل مهمات وفزعات للغير .
فيا ربي لك الحمد جميع السوبرماركت والمطاعم عندهم خدمة التوصيل بدل ما أقعد أدور لي شخص يجيب طلبات المنزل وبالساعات إللين ألقى أبو الكلام فاضي ويجيب لي ساندويتش من عند فيروز والله مهزله أنتو وإقتراحكم.. ويا عمي هالإقتراح بالنسبة لي غير مُقتنع منه .. أووووووووه نسيت اذا فضى الغاز من يعبيه لي ..!!!!!! .

شكراً يا كحيلان النصر .
أبو عبدالإله
10-19-2011, 09:15 AM
" والله مهزله أنتو وإقتراحكم "
لا داعي لحدة العبارات
كحيلان
10-19-2011, 02:58 PM
1- يا محبوب عرقه هذي فكره ان كنت تبي اهلا وسهلا وان كنت ما تبي مع السلامه ما احد ضربك على يدك وقالك الا تخليه يوصل لك.
2 - بعدين شكراً على الرد الحلو ( مهزله )
قال صلى الله عليه وسلم في ما معناه ( من كظم خيضه وهو يستطيع ان يمضيه ناداه الله يوم القيامه على رؤس الاشهاد وقال له اختر ما شأت من الحور العين ) الله يجعلنا واياك ووالدينا وجميع اهل عرقه والمسلمين منهم يارب .
بعدين ترا عييييييب وانا منب راد عليك يقول المثل ( لحية احشمها ولحية احشم نفسك عنها ) واغديك ان شاء الله تكون من اللحية الاوله.
والي يبغى يصير محبوب صدق ما يجرح الناس .
3- وبالنسبه للفزعه مهيب فزعه هذي بفلووووووس .
4- بانسبه للمطاعم البقالات الي توصل طلبات على العين والراس بس انا اقول بدل ما يجيك عامل البقاله وعامل المطعم وعامل البقاله الثانيه يكون شخص واحد ومعروف وثقه وأستفيد وأفيد غيري .
لا يخدم بخيل .
جزاكم الله خير جميعا .