ملاحظة في عرضة عرقة للأسف

[توليب]

السلام عليكم ورحمة الله وبركآته


كل عآآم وانتم بخير جميعآ..

وكل عآم وعرقة بخير

وكل عآم أفضل وأروع من عآم مضى


طبعآ انآ حضرت العرضة ثاني يوم وثآلث يوم :v9v9net_093:

العرضة كآنت مررة حلوة ومرتبة الله يعطيهم ألف عآفية مآقصروآ رجآل عرقة ..

لكن للأسف هنآك من لآيستحق هذا النظآم وهذآ التعب ..

المشرفين رتبوآ الوضع على قسم محدد للنساء ..يعني كل عايلة تفرش فرشتها وتجلس محلها .. لكن كون الحرمة تنزل من

سيارتها وتنصى محل العرضة وتوقف أمآم الرجآل بكل جرآءة وهي كآشفه عيونهآ واحيآنآ نص وجههآ والعبآية بأشكآل

وألوآن من غير ذرة حيآء .. من جد قمة في الإستهتآر والأنآنية كونهم وقفوآ امآم الرجآل بهالشكل المعيب ومنعوآ ممن

خلفهم من النسآء من رؤية العرضة.. الرجآل المشرف أظن بن مدعج مآقصر وحتى الضآبط الموجود ..منعوهم من الوقوف

بس هم كآنوآ يتكلمون مع نسآء لآيعرفون للحيآء بآآب..ولم يعيروهم أي أهمية

والأمر الآخر منظر المكآن اللي يجلس فيه النسآء أعتذر عن هذه الكلمة ( قمة في القذآرة ) منآديل حلويآت مشروبآت

علب ألعآب منتثرة هنآ وهنآك وكأنه صآب المنطقة زلزآل ..

لكن بحق نظآفة الشخص خآرج بيته تعكس نظآفته ببيته..

أتمنى من الجميع أن يقدر مجهود وتعب القآئمين على هذه الإحتفآلآت فكل من نرآه من فعآليآت هي من تعب رجآل أخذوآ من جهدهم ووقتهم ومآلهم ليخرجوآ لنآ بهالصورة..


جدآ أتمنى لآأرى هذه العينآت في الأعيآد القآدمة لأنهم فعلآ لآيستحقوآ هذه الأمآكن

عرقة ديرتنآ ونحب تكون أحلى وأجمل وأرقى وأنظف بأهلهآ اللي يحبونهآ..


أعتذر على الإطآلة وأعتذر عن أي كلمة غير لآئقة


ووفقكم الله جميعآ..

[ذيب عرقة]

نعم حاجة تضيق الصدر

ويا شين الحرمة إذا راح منها الحيا ولم تتربى صح ودك تذب في وجيههم الغبار

ملاحظاتك في محلها وإن شاء الله ما راح تشوفها مرة ثانية فأهل عرقة لها.

[محايد]

ملاحظاتك في محلها ويجب أن تؤخذ بعين الأعتبار السنوات القادمة إن شاء الله

ومن ناحية النظافة انت قلت المختصر المفيد وهو كل إنسان يعكس شخصيته في منزله

الله يعطيك العافية ياتوليب خوش ملاحظات

[صمت عرقه]

وعليــكم الســلام ورحمــة الله وبركاتــه

وانت بخيـر وســلامه


مــلاحظــه هــامه جــداً

ان شاء لله تزيل بالمرات القادمـه

[أبو عبدالإله]

أقترح وضع سياج حديد بشرط أن لا يكون بعيد عن مكان العرضة كما هو الحال في هذا الإحتفال لأن الكثير من النساء يرغبن في تصوير العرضة مما يضطرهن للإقتراب من العرضة .

[النادر]

كل عام وانتم بخير وسلامه فعلآ كان الشكل غير مرتب واقترح وضع كراسي لهم مع شكري للقائمين على العرضه اللي لقيت فيها ربعنا كلهم دامت الفراحك ياوطن

[توليب]

أشكركم على التفآعل جميعآ

..وإذآ عالتصوير بسيطه بس هي فرجة لآأكثر.. انآ شخصيآ خليت اخوي يصور لي ..

ممكن هم مآيكون عندهم احد يصور لهم بس السآلفة مآتسوى أفتن نفسي وغيري وأحوس النظآم علشآن صورة..

ولو صآر وحطوا كرآسي بتصير فوضى خليهم على أرضهم أبرك لهم

الله يهدي الجميع

[محبوب عرقه]

للأسف يا توليب هذه الظاهرة ليست في هذه السنة بل من سنوات ماضية كأنهم همج رُعاع لا يحترمون أنفسهم ولا يعطوا المكان حُرمته والاهتمام به .
وألأخت بارك الله فيها ذكرت لنا ما لاحظته في الموقع المذكور فتُشكر عليها لأجل تنبيه المشرفين على المهرجان وتوجيه أُسر من كان مشارك أو معروف .

:::: شطحه :::::

والادهى والامر تلقى الرجال يحرصون على إرسال العشيااات لأسرهم المتواجدة وكأنهم عند مبرة .

....

ولكن ما لفت إنتباهي هو مشاركة ابوعبدالاله وطلبه بوضع سياج حديدي فالأمر مُضحك يا ابوعبدالاله كأنهم في حوش غنم فلو المشرفين طلبوا من الامانة تخصيص مكان للنساء وعزلهم عن الاختلاط بالرجال بوقت الاحتفال فألأمانة ماراح تقصر معهم في ذلك .

[السديم]

السلام عليكم ورحمه الله وبركاته

كل عام وانتم بخير وعيدكم مبارك اخو سعيد

وبعدين وش السالفه حاطين اختلاط وحريم قليلات حياء ومكبرين السالفه واقتراحات

ياناس ياهوه احنا في عصر المساواه واحنا في البدايه يعني السنه الجايه يمكن يمسكون صف ويرفعون الصوت وشوي شوي يمسكون الطبول ويرفعون البيرق

وخلو عنكم الحسي الفاضي





مع نفسك

[ابو حمدي]

انتم معقدين السالفه ... وبعدين البنات خلف الصبات يعني ماقربو والحمدلله كلهم بعباياتهم وبراقعهم يعني وش البلاء فيه ... اذا صار ذيك الحزه شيء تكلم اما ماصار شي الحمدلله خلوا الامور تمشي على مايرام .

[عبدالعزيز المرشد]

إذا قل الحياء في المرأة فهذه مشكلة ومصيبة كبرى

لم نعرف هذا من قبل، ولكن تغيّر الحال للأسوأ، ومن يقلل من ذلك فهو لا يعرف عواقب الأمور.

عموماً إذا هم لا يستحون ولا رجالهم يغارون !! فليوضع لهم مكان خاص بإمكانهم النظر ولكن على بعد.

شكراً لك توليب.

[محبوب عرقه]

انتم معقدين السالفه ... وبعدين البنات خلف الصبات يعني ماقربو والحمدلله كلهم بعباياتهم وبراقعهم يعني وش البلاء فيه ... اذا صار ذيك الحزه شيء تكلم اما ماصار شي الحمدلله خلوا الامور تمشي على مايرام .

لا حول ولا قوة إلا بالله ..
لا تطمطم السالفة والشق أكبر من الرقعه يا ابو حمدي .

[ابو حمدي]

يارجال شوفولكم مواضيع اهم الحمدلله أهل عرقه طيبين ومحترمين وما أظن بيسوون اي شيء للنساء .. وبعدين كل شي مكشوف من قرب للنساء الرجال كلهم يشوفونه يعني ما اظن وبعدين لاتحركون ساكن والله يستر العيدة الجاي يقولون مافيه عرضه .. جزاكم الله خير على حرصكم الزايد الي ((نصه))) ماله داعي ...

وبعدين فيه رجال طيبه وخيره ودينه حاضلاين العرضه ولا يتجاهلون الامر لكن يجيك واحد جزاه الله خير مطفي النور ويخش عرض هاذي اكبر مصيبه الحمدلله من كم سنه ولا حصلت اي سالفه مع النساء .. مره ثانيه جزاكم الله خير على حرصكم والله يستر لا يوصل للهيئه ويلغون العرضه هههههههههههههههههههههههههههههههههههههههههههههههههه هههاي حرمتونا من السامري اخر يوم

[~همس القلوب~]

وعليكم السلام ورحمة الله وبركاته

اتفق معك أختي توليب الاعداد كان حلو

واحتفالات عرقة كانت جميلة ...

ولكن بالنسبة للعرضة لم نتمكن من الاستمتاع بها بسبب وقوف النساء

ياليت الأعياد الجاية بإذن الله يكون فيه ترتيب أكثر

يعني بالنسبة لنا رجعنا للبيت ما قدرنا نشوف منهم وبالنسبة للتصوير

أتوقع يكفي تصوير مقطع بسيط مو كل العرضة يتم تصويرها !!!

بصراحه كان فيه نوع من الأنانية يعني الوحده منهم توقف و ما عليها من النساء اللي جالسين ...

الله يعطيكم العافية ....

مشكوره يالغلا على حرصك واهتمامك ....

دمتِ بخير ....

[ابو حمدي]

يا أخوان الموضوع اخذ اكبر من حجمه والله الحريم على نياتهم يبون يصورون فقط بحسن النيه

والحمدلله رجال وشباب العرضه ناس طيبين وخلوقين ويعرفون حدودهم..