مسجد الصنع وما ادراك ما مسجد الصنع ؟ ابو الكلام ؟

[ابو حمدي]

السلام عليكم ورحمه الله وبركاته كيف الحال يااخواني في الله المهم .
كلنا نعرف مسجد الصنع انهو مسجد قديم والى الان موجود ويصلى فيه. لاكن يخشى الانسان ان تفوته الصلاه لان تكبيره الاحرام اجرها عظيم والى ياشباب لاكن نحن نجتمع في بيت ( عتيقه القديم ) جلسه قهوه وشاهي والحمد لله معنا ناس دينين ورجال بمعنى الكلمه الحمد لله منهم القاسم والحسيني والرسيمي والسليمان والمعيلي و عيال علي بن مدعج رحمه الله عليه يعني كلهم ناس طيبون ومعروفين في عرقه والحمد لله ناس راعين صلاه ودين واخلاق عاليه ولله الحمد ولا انسى مجلس ابوحمدان جيرانا المهم المسجد مافيه ميكرفون وصوت الامام ابوالكلام ياله ينسمع طيب بما انا الي نصلي كيف نقدر نسمع والواحد يسمع الجامع يصلي فوق راسه وفيه واحد قالي اني أ صلي مع ابوالكلام ولا اسمع شي كنا في التشهد الاول ويوم قال امام الجامع الله اكبر يقول بغيت اقوم اكمل مع الجامع طيب لماذا كل هاذا يابوالكلام ليه مافيه ميكرفونات طيب علشان نسمع الامام ونعرف متى يذن ويقيم لين سمعنا المؤذن في الجامع كل شوي واحد من اخويانا يطلع يقول اقام لاتوه ما اقام هههههههه
ولين متى ياخوان الواحد وده يحافظ على الصلاه لكن كيف مع ابوالكلام مافيه محافظه ولا ميكرفون
وادري ان فيه بعض الناس بيقول لاتصلي معه لكن هو المسجد الاقرب لنا والجامع الله يهدي الشباب يسرقون النعال اعزكم الله وغيرها المهم ارجوا من يهمه الامر انه يكلم المسؤل عن المسجد ويركبون ميكرفون واذا احتاجو اي شي نحن مستعدون لفعل الخير وشكرا

[ابو حمدي]

شكرا لمراقب دروازه الباطن لشوؤن عرقة لقبول طلبي وجزاك الله الف خير

[مستشآرٍ عرٍقـه]

شكَرأ إْخي إْبو ٍحمدي على هذ1 ـآلأهتمآم

إْسئل ـآلله ـآلعَلي ـآلقديرٍ إْن يصَلح ـآلأحوـآل بمآ فيه ـآلخير

شكرـآ عَلى حرصَك

تقبَل مرٍوٍرٍي

[برنس عرقة]

مشكور ابو حمدي على ما طرحت

لكن عندي نقطه مهمه وهي انه ابو الكلام هذا يمنع من الصلاة بالمسلمين

انا بصراحه استغرب من كيف بنقالي مدري هندي حاطينه واحد ما ودي اذكر اسمه لكنه معروف لدى الكثير من اهل عرقه ويصلي بالناس .. يفترض انه امام المسجد ما يكلف احد ثاني .. ولو كلف احد ثاني يفترض يكون سعودي وليسى اجنبي .. لكن نقول الطاسه ضايعه

[ذيب الظهيرة]

صرحه هذي حقيقة مشكور ابو حمدي على الموضوع
انا اصلي في مسجد الصنع بعض الاحيان صراحه مو المشكله بالسماعات ابو عبدالله (العماري) اذا صلى نسمعه وصوتة طيب لكن انا اذا جيت متاخر شوي وصليت بالصف الثاني مادري انا وين مصلي الجماعه بالصنع والصوت تبع الجامع هذي حقيقه مرة انا بالركعه الثالثة من صلاة العشاء واحد الاخوان يصلي معنا قال امين مع الجامع وامام الجامع صوته ماشاء الله عليه يغطي على كل مساجد عرقة الي تحت حتى مسجد عرقان الي باخر عرقة يسمعونه لكن المشكله بالصنع في الامام ابو الكلام صحيح رجل ديين لكن لا صوت تسمع ولا تفهم شي وانا اتوقع ان مافيه احد بالمسجد يخشع مع تلاوته الى العمال يمكن بعد اتمنى رجوع ابو عبدالله للصلاة انا عارف اشغاله بالهيئة الله يقويه ويعطية العافيه واذا كانوا بيقفلون المكرفون يقفلونه بعد الاقامه يعني الاقامه بتظر مع الجامع

[فتى الصبيخه]

مساء الخير .يا جماعه الامر سهل جداً,عند ما تقام الصلات يطفون المقرفون الخارجي ويشغل السمعات الداخليه للمسجد وتنتهي السالفه واذا مافيه سمعات داخليه مستعد اركبها بكره اذا بغيتو بس عطوني خبر, وبنسبه للصلاة الجهريه ممكن احد من الي جالسين في البيت القديم يأم بلمصليين ويكون صوته حسن وبكذا يكون الامام من عندكم يا ابو حمدي وانتبهو من العقارب والدواب ترا هليام وقة ضهورها كلكم عوايل غاليه على اهل عرقه ...تحياتي للجميع

[ابو حمدي]

شكرا اخواني / مستشار عرقه - برنس عرقه - فتى الصبيخه

وارجو من الله عز وجل ان يوفق جميع من في المنتدى يارب ويجزيكم الله خير الجزا ونقول الحمد لله اولا واخيرا حبيت ان يكون موضوعي ذات اهميه والحمد لله لك يارب ودمتم بود

[ظهيرة ابو مدعج]

ياناس المشكله ماهي بالمسجد المشكله بالامام ابو الكلام اللغه العربية مكسره عنده
المفروض يكلف امام سعودي
والمشكله ان ابو الكلام مايذن مع المسلمين يحتري الجامع يخلص ثم يذن
والله مهزله مع ابو الكلام

[العنبراوي]

يا ابو حمدي

الحين كلكم اللي في الجلسة شباب فيهم خير

ياخي كلمو العماري وواحد منكم يصلي وخلصنا

واهنيك ع الاهتمام المميز انت والشباب الباقين

بس الله يصبركم على ابوالكلام في الايام الجايه لين تشوفون حل لهذا الموضوع

تحيـ^_^ـاتي

[فيصــ الحرابي ــل㋡]

الله يعطيك العافيه يا ابو حمدي على اهتمامك والله يقدرعلى الجميع على فعل الخير ...

تحياتي ..

[موظف في البلدية]

والله انك ...منتهي وبس

[ابو حمدي]

ههههههههههههههه حياك الله اخوي العزيز موظف في البلديه الله يعينك بس على الاعضاء الي بيشبون فيك ههههههههههههههههههههه والى شكلك دبوس مرسول من البلديه هههههههههههههههههههههه شكرا على ردود الاعضاء
ودمتم بود

[جوكر عرقه]

يجب نصحه او تبليغ الاخ الفاضل الشيخ العماري ( ابو عبدالله ) يمكن يحل المشكله وشكرا لاهتمامكم لهاذا الشي وهذا يدل على انكم شباب فيكم الخير والبركه وفقكم الله وجزاكم الله خير .

اخوكم ومحبكم / ابو ايوب

[abo_Rsha.Z10]

تبي تقنعني انك خايف على الزبيريات القصيمية حقتك


خخخخخخخخخ كهكهكهكهكهكهكه



عموما مشكور على اهتمامك

وموضوعك للمصلحه العامة

شكرا ابو حمدي

http://www.3tt3.net/up/upfiles/4Yn41160.jpg (http://www.3tt3.net/up/)


بس ترى الى هالحين وانا انتظرك تجي

ولا ما بعد خلصت فترت الإعداد

ــــــــــــــــــــــــــــــــــــــــ ـتوقيعيـ ــــــــــــــــــــــــــــــــــــــ


http://www.up.6y6y.com/uploads/80aac399aa.gif (http://www.up.6y6y.com)

[موظف في البلدية]

ابو حمدي لا والله منيب دبوووس ولاهم يحزنون ...


المهم لين الحين وانت سكرتي بالجامعه !!!!!!!!!!<<<هع هع هع

[ابو حمدي]

[color="darkred"]شكرا يازيزو نعال ابو شنب انسرقت ( اعزكم الله ) ويالله لقى مقاسه هههههههههههههههههههههه

الله يهديك رجعنا للملاعب وانا الآن في افضل مستواي ولله الحمد ههههههههههه وان شاء الله عن قريب .

شكرا اخي موظف في البلديه الحمد لله سكرتي او غيرها كلها مصدر رزق حلال والشغل مهوب عيب ناس اشتغلت في مغاسل سيارات وفي محل خضار وبقاله ومطاعم يعني اهم شي انه شغل ومصدر حلال
( اللهم لك الحمد حتى ترضى ولك الحمد اذا رضيت ولك الحمد بعد الرضى . )

[متعب خالد الحرابي]

شكرا لك ابو حمدي على حرصك والشكر موصول للمشاركين أيضاً

لقد تم الإتصال بالأخ مبارك العماري - إمام المسجد - وإيصال وجهة نظر الإخوة الأعضاء فأفاد أن المسجد يتبع النظام التالي:

* تستخدم مكبرات الصوت في الأذان فقط.
* تقام صلاة الظهر والعصر والمغرب بعد 5 دقائق من وقت الأذان.
* تقام صلاة العشاء بعد 10 دقائق من وقت الأذان.
* تقام صلاة الفجر بعد 15 دقيقة من وقت الأذان.

وعلى هذا يكتفى بالردود الآنفة بعد أن تم إيصال الأفكار الواردة فيها إلى إمام المسجد :)