الشيخ على بن على والــــــ250 ريال !!!!!!!!

[صقر الطويلعة]

صباح الخير

من المعروف عن الشيخ الفاضل على بن على حسن الاخلاق واياديه البيضاء معروفه في اكثر

من مكان ((وحواشي عرضة عرقه تشهد:)))

الموضوع اللى شدني كان بين بعض الشباب من عرقة كانو يتعاتبون على عدم دعوه بعضهم البعض

لمأدبه كان يقيمها الشيخ على في مزرعته كنت اتوقع انهم من المدعوين لكن المفاجأه هي انهم

كانو يتسابقون ليحضو بشرف((صب القهوه للمدعوين)) ليس فزعه لانها لوكانت كذلك كان قلنا كفو

لكن المشكله كانت العمل(( كقهوجيه)) العمل ليس عيبا لكن لو كان الشخص محتاجا لكن من اجل

((250)) ريال كل شي يهون عند البعض.

اللي اقصده ان كل واحد

يتسابق للعمل كقهوجي في حاله جيد ماديا او مقبوله .... وشباب زي الورد؟؟؟؟

لكن السوال هل 250 ريال بتغنيه او تسوى ماء وجهه وهو يتفنن في سكب القهوه وتبهيرها وهو

يتوشح الصديريه المضاده للرصاص اقصد المزركشه؟؟؟؟؟؟؟؟

اؤكد بان العمل لاعيب فيه لكن بهذه الطريقه؟؟؟؟؟؟؟

انا لم اطرح هذا الموضوع الا لحبى لشباب عرقه وتمنياتي برفعتهم في كل وقت واي مكان

من وجهه نظرى هولاء يجب ان ينظرو في اوضاعم مره اخرى فلو كان عملهم هذا من دافع الواجب

والفزعه كان له تفسير اجمل..............

انتظر ارائكم

صـــــــــــــــــــــــــــــــــــــقـــــــــــ ـــــــــــــــــــــــــــرِ

[ابو حمدي]

يمكن الناس يدعون بدون فلوس لاكن هو من عنده شرهه ولاكن ليست 250 اكثر والسرق واجب عند بعض الناس
وبعدين الحاجه لها دور يمكن الواحد يحتاج ولا يلقى وانت اتوقع انك قد رحت معهم ههههههههههههههههههههههههههههههههههههههههههه اخوك خالد الصريبي

[صقر الطويلعة]

ابو حمدي

افهم من كلامك ان المبلغ اكثر وهو شرهه وليس من اجل العمل كقهوجي؟؟!!! ممكن بالنسبه لك هي شرهه

لكن في الحقيقه هي مقابل العمل سفرجي.... وهل الحاجه لمن يمتلك احدث السيارات من الشباب تمثلها 250 ريال

فماء الوجه عند البعض رخيص .................... تكبر وتفهم

صــــــــــــــــــــــــــقــــــــــــــــــــــ ــــر

[أبو عبدالإله]

أخي صقر الطويلعة

الشيخ علي بن علي له فضائل كثيرة على أهل عرقة وهو يعتبر في نظري الداعم الأول لمشاريع عرقة ولا يوجد مشروع إلا وله يد فيه جزاه الله عنا وعن أهل عرقة خير .

ومن حقه علينا أن نخدمه يوم يحتاج لنا وأنا تشرفت يوماً بصب القهوة والشاي في أحد حفلاته قبل أكثر من 15 سنة ولم يكن في بالنا المكافأة ولكن عمنا رحمه الله طلبنا وقلنا له ابشر انت ومعزبك .

والحمد لله سواء كان المبلغ 250 أو 500 فهي نعمة والعمل والكسب الحلال ما به عيب .

[صقر الطويلعة]

ابو عبد الاله

كلام سليم من 15 سنه ما كنت تنتظر منه شي وكانت كرد جميل بمساعدته وهنا اقول الف ونعم

لكن الحين اللي يروحون يفكر كم بيعطيه وركز كم بيعطيه مهو مثل ما كنت انت من قبل تبي ترد جميل بدون مقابل

والسوال لو ما كان بيدفع لهم تتوقع بيروحون له؟؟؟؟؟؟؟؟ ما اظن

ومثل ما قلت انا العمل مهو عيب بس ما الوجه مهم للي عنده بعض منه.........

شكرا لمرورك

[فتى الصبيخه]

السلام عليكم اخوي صقر الطويلعه ليس اعتراضك على نوع العمل ولا على المبلغ الي فيه فكثير من المحلات (القهوجيه نساء ورجال) دخلها جيد وتساعد فئه من الناس في اشد الحاجه للعمل وتغنيهم عن التسول والوقع في المحرم .اعتراضك على ان هناك شاب ليس في حاجه وراكب سياره اخر مديل ويروح يشتغل قهوجي بمبلغ زهيد , اذا هذا هو القصود فربما يكون هناك سبب لتصرفه لا ندري عنه ؟؟؟ تقبل تحياتي

[وليد]

الشغل مو عيب العيب الذم في الشغله هذه هي مكسب حلال خل عنك الكلام الفاضي صرن يسعودييين نعيب في كل شي حتى لو شافك تغسل سيارتك بنفسك عيب عليك منهم مثلك عيبتو في كل شي حتى الناس طلعت القمر والهنود والباكستنيين صنعو الذرة وانت جالس الى الان تعيب في العمل الحلال وجلس تتابع قنوات الشعر وتصوت لها وتاجج القبلية والتعييب الى متى تضلون على كذا قلنا لكم الهنود الي تستحرونهم صنعو الذرة هم والباكستانين وانتم لن تصنعو شي ابد اخف اخترع شي ثم تعيبه الله يصلحك وتكفى اسئلهم اذا نقصهم احد ابجي اصب معهم مستعد وخلك عيب الين تطلع القمر بتعييبك على السغل الحلال وعلى فكرة في القطاعات العسكرية فيها جنود خدمات شغلهم في قهوة القطاعات فهمت يعني مفيها عيب وشغله رسميه معتمده من الدولة حفضها الله من المعيبين امثالكم هداكم الله

[قريموووون]

لاتعليق لا تعليق

[عصيم]

بوادر مهاوش:eek::eek:الله يستر :cool::cool:

[برنس عرقة]

اخوي صقر الطويلعه
ابن علي اتوقع انه ماهو عجزان انه يجيب له من القهوجيه الي في المحلات لكن وحسب علمي انه يستفيد من الفلوس احد الشباب في عرقة ولا يماني جايبه من محل وانت قلتها الشغل مو عيب حتى لو صب الشخص قهوة وهو راكب احسن سياره هل انت تعرف ضروف هذا الشاب الذي صب القهوه والشاهي .

وتحياتي لك خيووووووو

[صقر الطويلعة]

فتى الصبيخه

بالضبط هذا قصدي.... يسلم لي الفاهم

يمكن له اسبابه ......نتمناها الفزعة اللى يقصدها

شااااااااااااااااااااكر لك المرور

[صقر الطويلعة]

وليد

انا حاولت افهم مشاركتك ما عرفت ..... احس انك تكتب طلاسم

وش جاب قنوات الشعر؟؟؟؟ ههههههههههه

وشلون الباكستانين صنعو الذره؟؟؟؟؟ الذره تصنع هي؟؟؟؟ هههههههههههههه

والباقي طلاسم... عموما مشكور على المرور ........ وانصحك بدخول دوره لتعليم اللغه العربية


صــــــــــــــــــــــــــــقــــــــــــــــــــ ــــــر

[صقر الطويلعة]

قريمون ....

فعلا لا تعليق

[صقر الطويلعة]

برنس عرقه

ما ادري وش هي الظروف الى بتحلها 250 ريال وانت راكب سياره 2008 وتسوى ماء وجهك بين الرجال(للى يصب

قهوه للمعازيم اقصد) ولمرة او مرتين بالسنه

عموما وجهه نظرك واحترمها

صــــــــــــــــــــــــــــــــــــقــــــــــــ ـــــــــــــــر

[وليد]

بعد ردك بانت حقيقتك الا وهي الحسد الي ماكل قلبك عليهم فقط اسئل الله الكريم رب العرش العضيم ان يشفيك من الحسد الي ماكل قلبك ويصلح ويعافيك ويهديك تحسدون الناس حتى على اكل عيشهم للاسف هذا حالنا في الرياض الحسد هو سبب الجفاف والغبار موت بغيظك

[الخيال]

أرجو من المشرفين اغلاق الموضوع وشكراً

[الحكيم العرقاوي]

يااخي صقر الطويلعة وجهة نظري و باختصار مادام انه كسب حلال فيعتبر عمل شريف فلا يمنع حتى لو كان بـــ 100 ريال ممكن يكون زي ما قلت معه سيارة 2008 ولكنها اقساط او يكون غير متزوج و يكون يبحث عن الريال و كما يقول المثل ( الريال مع الريال يجيب ام العيال ) او يكون مستأجر و انت عارف اسعار الاجارات في الوقت الحالي و كل شئ في هذا الوقت ينفع يا صقر .
اتمنى ان يكون انتقادنا في الكسب الغير مشروع او المشبوه كما هي حال بعض المساهمات إن لم يكن أغلبها و غيرها كثير ...وتقبلوا تحياتي ...
ودمتم على خير

[صبي عرقة]

يا أخوان
الموضوع ما هو محتاج كل هذا التشنج
هي وجهة نظر من قبل صاحب الموضوع وبإمكان كل واحد إبداء وجهة نضره
تحياتي