وبعدين معي , قشد بالجامعه ! , مباراة كوريا واليابان ! اذا هذا هذاك ... حياكم (=

[أم سعيد]

اووول شي داريه انه ياقدمي -(=
وداريه اني كح وغبار وعج وتسونامي -(=
على طاري تسونامي الله يحفظ اهل جده من الغرق )""=

السلام عليكم جميعاً ,,,
اما عقب , بما اني مبطيتن عنكم , وموضوعي حق الفضفضه مقفل ياقلبي انا انرحم مالقيت لي حل الا اني افتح موضوعن جديد وشسمه ذأ ايه هذا هو ..

يا إلهي من زمان عن نفسي اللي هي انا , ومن زمان عن هذا الشي <- الرجاء التسليك عادي لأني الوحيده اللي مداومه اليوم وعندي اختبار خميسي بايخ )"=

ايه لعلي بسولف وبقرقر , وراكم شي .؟
اللي وراها شي لا تكمل لأن الشسمه يبي له جلسه (=
يارب اني مببببطيه اقوى شي بالحياه ><"

على طاري اقوى شي لعلي بقولكم شي -(= , صار اسمي ساهر بسبة هالكلمه -(=
الله يسعد ذيك البنت والله عز الله اني ضحكت وونستني (=

ما علينا ..

اييه وش الدنيا بكم ؟ ياقدمكم انتم غبار وعج بعد ..

طبعا العنوان ماله اي دخل بمحتوى الموضوع ف لحد يدقق (= , بما ان النت اليوم عيا يفتح التيس بوك وكل شي الا عرقه لا اله الا الله !!
قلت بفتحه تجربه وسبحان الله ينفتح ..
ميخالف قدر الله عليكم وغثيتكم ونزلت موضوع (=
قرق × قرق

تدرون اني ما بعد خلصت اختبارات =_="
طبعا ما يحتاج اقول اني باديه من اسبوعين وبدخل في الثالث وغير كذا تأجل اختباري يوم المطر وصار اليوم وانا اللي مستانسه ما عندي خميس )=
فقلت يابنت الحلال فليها اليوم ورحت للجامعه <- من شاورك اصلا غصب -(= , وخذت معاي ترمس وفي روايه زمزميه القهوه وحافظة قشد يسلم لي رويس اميمتي ويدياته ق1
هو القوه شي طبيعي بالجامعه بس الحافظه فشلت صراحه $=
اللي قدامنا تلفتو على بالي ازين شعري والله لو اني غبيه ادري انكن تطنزن ><"
ومن الغباء اول ما تلف تضحك وتخزةاللي بجمبها يعني التفتي والثانيه بنفس الحركه , لا ولا يبوني ادري ذذ
طبعا من عادتي اني ما اجيب الشي كامل ف نسيت الملاعق اصلا اساسا هو ينوكل بالايد فماله داعي بس قلت من الذوق اجيب ملاعق لذوات البرستيج " ياحبي لذيك البنت بس " المهم واكلو البنات بأصابعهم يا خزياه -(=
ميخالف اهم شي انه ذأ
على طاري ذأ , مباراة كوريا واليابان ياناس شي يصيح ><"
وششش هذا قسم بالله من الحماس عجزت اذاكر طبعا كان عندي اختبار اليوم اللي بعد المباراة , طبعا اللي مالها بالكوره غصب تبي تتحمس مع المباراة ذي ياربي هالدولتين ابداااااع بكل شي فكر تطور حضاره كل شي لكن نظامهم الرأس مالي والشيوعي لك عليه شوي والحمد لله على نعمة الاسلام بس ما يمنع اننا نحاول نقلدهم في الفكر والتطور , اليابان اللي كانت تعاني من كارثه حرب اصبحت من اكبر الدول واعظمها اقتصادديا وتقنيا وصارت من اهم المدن السياحيه , ايه وش احكي وش اقول هو خواطر خلا لي شي
عموما ً الهند الحين افضل منا ف عادي يعني (=

الا على طاري الهند , اقول بس ياكثر مع السلامه طولت (=

عطوني رايكم وبانتظار ردودكم , تسان جازت لكم البربره رجعت اكمل والا ماله داعي المغثه (=


: يقول صفقو لي ولو تسليك : ^^"

[ابتسامة عرقه]

هلا وغلا , ومرررررررررررررررررررررررحبا زاد نور المنتدى ساطع خافسن عييناتي هههههههههه
الا ع طاري من طول الغيبات هذي غنايمتس ماشاء الله ,,

زمزميه القهوه وحافظة قشد يسلمزمزمية قهوة في معجمنا وعرفناها لكن القشد ممكن توضحين بالصور وترسلين لنا الطعم > ابد ما ودها تذوق

ومن الغباء اول ما تلف تضحك وتخزةاللي بجمبها يعني التفتي والثانيه بنفس الحركه , لا ولا يبوني ادري ذذهههههههههههههههههههههههههههههههههههههههههه > فطست ضحكاً

على طاري ذأ , مباراة كوريا واليابان ياناس شي يصيح ><"تصدقين ما شفتها ولا جا لها طاري , من خسروا ربعنا ثمين دول الخليج معدهنا حرص ع الدوري > شئ مستغرب حقيقه
علمينن من بياخذ الكأس > عشان اعبيه مويه ولا فمتو حار ذذ


عموما الهند الحين افضل منا ف عادي يعني (=الهند صنعوا طيارات ونا فالحين بالبلاستيك يالله الخيره , بكره صديق الهندي بيقولها ياصديق لسعودي خخخ
بس عليهم لعب اللهم لا شماته ,, ذذ


كملي وانا وخيتس مشتاقتن لسوالييفتس منذ مبطي :160:

[عطره بانفاسي]

والله يميمتي ما فهمت من قرقرة اللا الحافظه والقهوه معليش انا فهمي صعب شوي

المهم انك نسيتي الملاعق المهم انهم كلوا بيديهم والباقي افهمة بعدين ههههههههههههه

الله يعطيك العافيه ام سعيد

[عشقي هواها*]

عودا" حميدا" ام سعيد

واخيرا عودتي فيذا <<
اهم شيء كيف امتحانك عساك بيضتي الوجة ؟

ماعرفت القشد ؟؟؟

تلفتو على بالي ازين شعري والله لو اني غبيه ادري انكن تطنزن ><"
ومن الغباء اول ما تلف تضحك وتخزةاللي بجمبها يعني التفتي والثانيه بنفس الحركه , لا ولا يبوني ادري ذذ
ههههههههههههههههه
دائما تصير معي هذي الحركة اتوقع يحسبونا عميان مانشوف او اغبياء على قولتك


كملي بانتظار الباقي ...