مشاهدة النسخة كاملة : هااااااام جداً للراغبات بإكمال الدراسه بعد الثانوية اخر يوم تسجيل 1/7/
Abdulaziz1978
06-22-2009, 11:41 AM
السلام عليكم ورحمة الله وبركاته ،،،،
أود ان انقل لكم خبر الكثير لا يعلم عنه اي شي ،
لقد علمت من احد الاصدقاء انهو يوجد تسجل في جامعة الامام بالرياض للبنات في اكثر من تخصص وهي منحه من الملك عبدالله بن عبدالعزيز الله يطول في عمرهـ وهي مجانية وبدون مكافاة واخر يوم في التقديم يوم الاربعاء القادم 01/07/1430هـ ،
فاتمنى نشر الخبر في اسرع وقت لانها لا يوجد وقت كافي
موقع الجامعة : الدائري الشمالي بين مخرج 5 و 6 فيه شركة الفنار ثاني ملف يمين بعدها ادخل معه وامشي سيدهـ وتحصله اتوقع على يسارك وعلى العموم هي في هذي المنطقة .
فلا تفووووووووووووووووووتكم فرصه حلوهـ
ولا تنسونا من دعوتكم
عبدالعزيز المرشد
06-22-2009, 11:49 AM
الله يوفقك يا عبدالعزيز
حرصك نابع عن حبك للغير
الله يكثر من أمثالك
Abdulaziz1978
06-22-2009, 11:51 AM
ويكثر من امثالكم الطيبه
بعد اذن الإدارة تم نقل نسخة عن الموضوع في مقصورة النسائي بما له اهميه لهم في المقام الاول
شيخة آل حراب
06-22-2009, 11:57 AM
للاسف اكتفووووووووووووو
يوم السبت وحده من البنات طقت مشوار وطق عصي من الزحمه وحالتهم حاله
ورجعت خاليه اليدين
قالوا لها اكتفيناااااا ..
Abdulaziz1978
06-22-2009, 12:07 PM
غريبه مع العلم إلي اعرفه مودي اهله يوم السبت الماضي إلي قبل يومين ومسجله في قسم برمجمة حاسب
بس ما يمنع انك تروحين ثانيه لعلا وعسى وترا مو مشوار ولا هو زحمة من عرقة ما ياخذ منك إلا ربع ساعه
مركز الجامعه في حي النفــــــل
وعند جريروولي موول >>كلهم على اليسار
وعند شركه الفنار بالضبط زي ماقلت
لف يمين تلاقي المركز على اليمين ابووو شجر
تصدق انهم من قبل ذا التاريخ
وهم يجون مره زحمه والمشكله
ووقت امتحاناتنا ....
الله يوفقك يابو متعب
والي قالولهم اكتفينا الله من الخرطي عندهم طولي لسانك ولا جبي فيتامين اسألي مجربه
عوافي عبد العزيز على الخبر
شيخة آل حراب
06-22-2009, 12:12 PM
انا ما اقصد زحمه بالشارع اقصد ازحمه داخل الجامعه نفسها
يمكن سبحان الله لها نصيب انها تسجل بس والله هذا الخبر عندي اكيد
لاننا كنا ناوين انا وقروب من البنات نروح تحمسنا بس يوم قالوا اكتفووو شدينا ارضنا ..
يؤ يؤ وش نطول لساني اصلا الواحد في هالصيف نفسه بطرف خشمه
وماله نفس يناقش قالت اكتفوا قلنا خيره
لامانع اللي حابه تتأكد تروح وتعطيني خبر ..
Abdulaziz1978
06-22-2009, 12:15 PM
عووووووووووافي اختي فجر
شيخة آل حراب ما يمنع انك تروحي لحالك تجربي باقي يومين يمدي
حاولي تناقشين من الحين تعوودي
ماتاخذين حقك الا بيدك اجل لو كذا كان شفتينا مبلطين في البيت
ابشررررررري شيخه اروح اسألك
بس مو بكره لان ما عندي امتحان بكره
يوم الاربعاان شاءالله ارد لك خبر
ابو حمدي
06-22-2009, 12:30 PM
شكرا يا اخي ابو عبدالعزيز على طرحك لموضوع هام مثل هاذي المواضيع وننتظر جديدك القادم بأذن الله اخوكم ابوحمدي .
أبو عبدالإله
06-22-2009, 01:11 PM
أبو عبدالعزيز
نشكرك على هذا التنبيه للأخوات ولكن ليتك لم تنقله إلى دروازة المقصورة لأن الأخوات سيقرؤون الموضوع هنا .
سفـ عرقه ـير
06-22-2009, 02:57 PM
اللهم وفق بناتنا واخواتنا للقبول والنجاح ولكن بعد القبول بمشيئة الله ماذا يفعلون .........؟؟؟!!!
..................
<a href="http://www.m5zn.com" target="_blank"><img alt="مخزن اكبر موقع عربي للتحميل الملفات و الصور" border="0" src="http://up3.m5zn.com/9bjndthcm6y53q1w0kvpz47xgs82rf/2009/6/22/04/ws4m1gp4b.jpg" ></a>
النسخة الماسية الإصدار vBulletin 3.8.1
bdr130.net