لا للدروازه النسائية يا مشرفين

[صقر الطويلعة]

مساء الخير على الجميع ونخص المشرفين

العنوان عشان تدخلون بس :)

قريت موضوع لوحده من العضوات تتكلم عن مشاركه دخيله رجاليه على دروازتهم طيب

ليه ما يكون فيه دروازه رجاليه وما يدخلها الا الاعضاء وليس العضوات:confused:

والا مشاركه الاعضاء في دروازتهم تخليهم يتغطون;)

او تبقى الدروازه النسائيه بس بمشاركه الجميع كلها مواضيع عاديه

وعموما ما تخلو مواضيع الدروازه النسائيه من مواضيع تهم الرجال او بمعنى اصح هم ما يسوونها الا

لنا يا الرجال فاكيد لنا فيها راى بيفيدهم في بعض المواضيع زي ما لهم اراء تفيدنا في الدروازه العامه

ولا اتوقع بيكون فيه تعدي بمشاركه الرجال في الدروازه النسائيه اللي اشوفه في بعض المنتديات اللى ما تقل احتراما عن منتدانا العزيز المشاركه بالتساوي في كل المواضيع والهدف للفائده والمشاركه

الا اذا عندنا هنا ما نع شرعي ما نعرفه!!!!!!!!!

المشاركه بذوق ورقى هي اللى بتكون سائده واللي غير كذا فيه مراقبين ما يقصرون يركبونها الجمس:)

اتمنى ان يكون لاقتراحي اذان صاغيه كما تعودنا من الاداره الدمقراطيه الجميله


صــــــــــــــــــــــــــــــــــــقــــــــــــ ــــــــــــــــــــــــــر

[عشقي هواها*]

اشكرك عى موضوعك يااخي الدمقراطي...الان ادركت لماذا مشرفنا حفظه الله يقول ارسلوا على الخاص:confused:
ونحن اذا اردنا شي نعرف كيف نطالب فيه ...شكرا لك ..تقبل مروري

[صقر الطويلعة]

هواها

اولا انا لا اتكلم باسمك انت او غيرك

ثانيا هذا مطلب مني للمشرفين وليس منك

وانا لست اطالب لك او لغيرك من نون النسوه

مشكله اذا كنت تفهمين الدمقراطيه كذا..... كل المنتديات تعمل بالعموميه بشكل راق

اتمنى ان نفهم قبل ما نرد

شكرا للمرور اللطيف

[عشقي هواها*]

عفوا اخي الكريم...ايضا انت لاتفهم خطا...
( ضايقني من موضوعك واللي غير كذا يركبونها الجمس...........ونحن لم نعتدى حدودنا ومتبعين القوانين)

وشكرا لك

[المشرف العام]

أخي صقر الطويلعة

القسم النسائي متعارف عليه في كثير من المنتديات والسبب يرجع إلى أن بعض الأخوات ربما تتحرج من الرد أو المشاركة الرجالية كما أن في الغالب القسم النسائي يحوي مواضيع تهم النساء فقط كالأزياء والمكياج والطبخ أما المواضيع التي تخص العامة فنحن نتمنى أن تكون في القسم العام ولكن لا نجبر صاحبة الموضوع على ذلك .

كنا نتمنى ان تكون المواضيع التي تخاطب الإدارة تكون عبر البريد الألكتروني لأن مثل هذه المواضيع قد لا تفيد الكثير وهي تمثل وجهة نظر صاحبها وقد لا يوافقها عليه أحد كما أن كثرة المواضيع مثل هذه النوعية تنقل الكثير من المواضيع الجديدة إلى الصفحة الثانية .

[صقر الطويلعة]

اختى الكريمه

انتى فاهمه غلط مثل ما توقعت

اللي ضايقك من موضوعي كلمه انتي ما فهمتيها

اللي قصدته من(( واللي غير كذا يركبونها الجمس)) قصدت اي مشاركه غير منظبطه تحذف مهو كاتبها!!!!

بس قلتها بطريقه فيها دعابه شوي الجمس قصدت فيه الحذف...............

صــــــــــــــــقـــــــــــــــر

[صقر الطويلعة]

اخوي المشرف العام

اولا اشكر لك تجاوبك السريع

ثانيا انا طرحت الموضوع باسم المشرفين وقصدت مشاركه رأي الجميع وليس الاكتفاء برأيي

والا لكن اتصلت عن طريق البريد او رساله على جوال المنتدى

المواضيع اللي كما قلت يمكن ان تتحرج منها المراء بالرد(( لا ترد محد جابرها)) وبعدين اذا ردت في الدروازه
النسائيه الكل بيشوفه..... واتوقع من المراه انها ما ترد في موضوع اي شاب بيتكلم فيه مثلا عن زينه السيارات بحكم انه يهم الشباب بصوره خاصة يعني كل واحد بيرد على الموضوع اللي شايف انه يناسبه وخذ عندك الطبخ مثلا اللي نقول انه يهم البنات بس
انا اجزم ان اغلبنا يا الشباب نطبخ احسن من البنات وطبخات الكشتات تشهد لنا والا انا غلطان ......

ما ودنا نكون متزمتين ولا منفلتين....... مدام المشاركه بيقراها الجميع انا مع مشاركه الجميع... والا كان حطينا منتدى للبنات لحال ..... وخلهم يسوون اللي يبون ومحد يشوفهم

انا ودي مشاركه الجميع بالرأي للفائدة

صـــــــــــــــــــــــــــــــقـــــــــــــــــ ــــــــر

[أبـو راكـان]

وش صار في المنتدى :confused:

مع احترامي الشديد لكاتب الموضوع

موضوعك لايكتب على العام بل رساله من راسك لراس المشرف العام !

بعدين لا تقارن منتدانا بمنتديات أخــرى والسبب واضح أخي الكريم وهو الخصوصية لبناتنا وخواتنا

لأننا جميعنا ننتمــي لعرقة ونعرف بعض

للأسف منتدانا يحتــاج ويحتــاج

الله يعينك يا مشرف

[صقر الطويلعة]

ابو راكان

اي خصوصيه تتكلم عنها (((طبخه والا نكته والا موديل مثلا )) وكلنا من عرقه وش المشكله.... نحط تظليله على الدروازه النسائيه؟؟؟؟؟؟؟؟ وبعدين هم ما يشاركون في العام؟؟؟ غريبه ما ادري وش هالخصوصيه

اللي انا مستغربه كل واحد حاط اسمه الثلاثي وناقص رقم بطاقته ورقم لوحته

ونازل شكر في المشرفين وهو لو طل من باب بيتهم شاف المشرف ورما يشكره هناك ويفكنا بعد؟؟؟؟

والا عشانه شكر بيمشي؟؟؟ممكن هذا اللي مسبب الاحراج

ترى المنتدى ما يخص اهل عرقه بس اتوقع الموقع على النت يعني المنتدى الكل يشوفه من اهل عرقه او غيرها

وبعدين الموضوع انا حاطه للجميع لابداء الرأي ما اتوقه يضايق احد ........

ورد المشرف شي طبيعي ما اشوف انه شي غريب او ان فيه كلفه

للاسف بعض العقليات يبيلها ويبيلها........

صــــــــــــــــــــــــــــقــــــــــــــــــــ ــر

[عشقي هواها*]

خلاص ياجماعه حصل خير.....وشكرا لتوضيحك اخي صقر الطويلعه

[النمر]

أنت ألحين يا صقر وشفيك معصّب !! حشا ما صار نقاش

وبعدين وشفيها الاسم الثلاثي سلمني عليهم جريئين مو مثلنا :(

وترى ابو راكان له نظرة بعيدة يمكن تصعب عليك يا صقررررر.

[عشقي هواها*]

رجااااااااااااء يااخوان الموضوع انتهى....اخي وضح وانتهى .........يادار مادخلك شر

[فتى الصبيخه]

صباح الخير على الجميع-يا صقر الطويلعه الضاهر عشقي هواها (ولد) ماهو بنت وثنين يا كثر مشركات الاخوات في العام والدروازه الترفيهيه والامور تمام بكل احترام ووضوح, كلام كاتب الموضوع صحيح.و المنتدى عليه مشرفين يقيمون المشركات وفيه احد الاخوان دخل لالقسم النسائي ووضع هذا المضوع (http://ergah.com/vb/showthread.php?t=300)وهو يهم الفتيات والنساء وتم الرد عليه بكل احترام وش صار انهدة الدنيا -يا جماعه خلو الدعوه في المنتدى مفتوحه بضوابط الاحترام المتبادل والاشراف المميز وبلاش كلام دخل قسمهم ودخل قسمنى الفائده عامه سواء للمرئه او للرجل تحياتي للجميع

[صقر الطويلعة]

يا نمر النمور

اشكر لك دخولك ومشاركتك ويظل رايك له احترامه

وجود الاسم الثلاثي مهو جراءه من وجهه نظري الا له سلبيه يمكن تحجم من التداخل في بعض المواضيع وتفسر بانها لاجل فلان او علان تم الرد.....وافهم يا فهيم

واتمنى توضح النظره البعيده عشان نستفيد كلنا منها ((كانك تعرفها طبعا)) ومنكم نستفيد!!

الموضوع مطروح بشفافيه وبدون تعصيب اكيد لان الموضوع عادي جدااا جدااا

الا للى يبغاه غير كذا.....
صـــــــــــــــــــــــــــقـــــــــــــــــــــ ــــــــر

[صقر الطويلعة]

عشقي هواها

ما ادري ليه تقولي حصل خير وانتهى الموضوع ويا دار.........

الموضوع عادي وما وجهته لك بس انا موجهه للعموم وبطريقه مبسطه

وحنا هنا للنقاش عادي فيه اراء مختلفه اكيد وهذا طبيعي.... وما فيه موضوع ينتهي بكلمه حصل خير

هنا للنقاش المفيد ولسنا في خلافات اتمنى الفهم وشكرا

صــــــــــــــــــــــــــــــــــقــــــــــــــ ــــــــــــــــر

[صقر الطويلعة]

فتى الصبيخه

اشكر لك تفهمك ووعيك ووجودك هنا اكبر دليل على ان هناك من يويد ان تكون المواضيع للعموم بدون تخصيص

لكن بضوابط الاحترام المتبادل والاشراف المتميز....... وفعلا ممكن ان يطرح الرجل مواضيع تهم المراه والمراه ما هي الا الاخت او الزوجه او الام والعكس صحيح

ومثل ما قلت المشاركات كثيره منهم في العامه والترفيهيه مع الجميع والكل مبسوط

صـــــــــــــــــــــــــــــــــــــقـــــــــــ ــــــــــــــــــــــر

[عرقاوي يجرح ويداوي]

اخوي ابو راكان لازم نعود انفسنا تقبل الراي الاخر ومعرفه وجهه النظر بعدين اي خصوصيه تخص بنات عرقه يااخي
انت ناسي انك تدخل نت ومنتدى عرقه يعكس للا خرين ارارنا وعقليتنا وافكارنا وبنات عرقه ماشاء الله عليهم كبيرات بعقولهم ومثقفات

[العنبراوي]

اتفق العرب على ان لا يتفقو :p

وانا الحين ما ادخل موضوع الا يصير فيه مشالخ ومشاكل :D

وسعو صدوركم .. ترى هالمنتدى ماوضع الا لنا علشان نحل مشاكلنا

مهب كل مادخلت موضوع القى مشكله ..
واللي قاهرني ان هالمشكله ماتجي او ماتبدأ الا من اشخاص معينيين ..

وسعوا صدوركم وترانا قرايب وحبايب .. وان كان الدروازات او الدراويز بتسوي هالمشاكل مانبيها ..

تحيـ العنبراوي ـاتي
^_^