وش سالفة الطايرة التي أزعجتنا البارحة ؟

[الحجاج بن عرقة]

بسم الله

البارحة والساعة حول الثانية والص

طايرة نفاثة صغيرة

تحوم في اجواء عرقة

الصوت مرعب ومخيف بسبب انها نفاثة وتطير على علو منخفض

خذت أكثر من ثلاث جولات ثم غادرت جهة السفارات

اتوقع ثلث سكان عرقة قاموا على هدير محركاته

واللي ما قام من صوتها هذا يسمونه خيشة نوم

لو تنفجر عند راسه قنبلة نووية ما جاب خبرها

أكيد ما راح يجيب خبرها لانها ما راح تبقي فيه ملي متر من اللحم هو واللي حوله

وجميع احياء الرياض

الواضح انها طائرة شخصية لمراهق توه يتعلم الطيران فوق روسنا

حسبي الله عليه روعنا وكن الحرب قامت

خرجت اشوف وش سالفة الطائرة واذا بالجيران حولي كلهم مثلي واللي خايف فتح الشبابيك يترصد

وهو يرتعد ويا الله تشيله رجليه

ما تذكرت الا اخوانا في فلسطين كيف يتحمولن اصوات هالطائرات الحربية

اعوذ بالله قمة الرعب

وما اقول الا حسبي الله عليه روع المسلمين لا بارك الله في طيارته

[مشتاقة للجنة]

الله يستر

من فضل الله ما سمعتها

[برونزيه]

سمعتها وانا نااايمه
ورجعت غمضت عيني
<<<برووود ههههههه
لكن ان شالله خير

[همسه شوق]

على حسب سمعى انها طائره مهيب حربيه ولا شخصيه تابعه للخطوط السعوديه ثم جت بعدها
طائره هليكوبتر والله اعلم انه خلل فى الطائره السعوديه بس بينى وبينكم اررتج بيتنا من صوتها
قلت الله يكون بعون العراقين والفلسطنين الحمدالله على نعمه الامن فى بلادنا خفنا من ها الصوت
المزعج المريع وشلون لو عندنا حرب كان ما ذقنا طعم النوم الحمد الله على نعمه الآمن والآمان
هذاكل ما عندى

[اســ الحب ــير]

مشالله عليك البرونزيه رجعتي تنومين
هههههه

والله انا سمعت انها مو طياره اربع طيارات متفرقه فوق عرقه

ماقوول الا الله يستر

[فله]

جا في بالي عدنا ولينا خخخخخ
عصوت الططيبيييييييييييياره شكله حربيه

[ابوحنشل]

واللي ما قام من صوتها هذا يسمونه خيشة نوم q-*1

~> ابو حنشل :icon26:

[عرقاويه وكلي فخر]

من جد صوتها مره يخوف
الله يستر

[غرام]

انا صراحه خفت من الصوت ع بالي الحرب قامت

الله يستر بس ..

[عسوووله المزيووونه]

من جد اللي ماقـــام من صوتها خيشت نوووم بصراااحه الصوت مررره عالـــي الله يسترررر بسسس صحتنا من نومنا ونحاااشت ذي الطياااره >>>خخخخخخخ

[كيوت عرقة]

حسيبي عليهم افزعونا اختي الصغيره قامت تصيح تقول بتطيح علينا الطياره

[أبو عبدالإله]

أيقضني صوت الطائرة الغريبة فخرجت للشارع فإذا بجاري أبو فهد ( أسأل الله له الشفاء العاجل ) ، قد خرج يستكشف الأمر ويبدو لي والله أعلم أن الطائرة تستعرض في أجواء عرقة معرضاً قائدها أهل عرقة للخطر بلا حسيب ولا رقيب وكان الأمر فوضى .

[قاسمية]

والله انا بكيت من صوتها وخفت مره واقسم بالله اني جلست اتشهد
والله حسيت انها بتطيح على راسي
ما ذكرت الا اخواننا اللي عندهم حرب الله يفرج عنهم اجمعين وينصرهم
.... اااااااااااااااااامين