الجمعية التعاونيه

[Abdulaziz1978]

السلام عليكم ورحمة الله وبركاته ،،،،

اول احب ارحب بجميع الاعضاء والزوار الكرام واشكر كل من قام من عمل وتفاعل في هذا الموقع الاكثر من رائع .

طبعا مثل ما هو مبين في الموضوع "الجمعية التعاونيه"

أين المسئولين في الحالة التي يرثاء لها في هذه الجمعية طبعاً والكل عارف لم تنزل تحت عشان تاخذ لك شوية اغراض (مافيه صديق خلاص) !!!!

فتضطر إلى الذهاب إلى اي مكان اخر ،

ثانيا وهو الاهم بالنسبة لي ولكم ،

قبل يومين كنت في الجمعية ،

عطنا كرتون صابون ما فيه يا صديق فيه هذا نوع بس :mad: الله اما طولك يا روح طيب عطنا مو مشكة

طيب عطنا ...... ما فيه يا صديق :mad: اففففففففففففففففـ

المهم هذا تعودنا عليه من زمااااااااااااااااااااااان حتى البيبسي بعض الايام ما فيه

المهم جاء ولد صغير يامحمد ابغى كرتون طبعا الهندي بكل ادب (يله ما فيه بكره بكره) وكان فيه كرتونين موز فاضيه قلت له ليش هذا فاضي قال لا هذا انا بيع عشان انا فايدهـ :eek: خير انشاء الله والله صارو يبعونا حلالنا ، وغير وغير وغير ...............

طبعاً غير وقت دوامهم إلي اطلق من دوووام الف مررره (ما ادري وش زودهم عن باقي التموينات) او عشان اسمها جمعيه ، وبالنسبة للتوظيف ليش ما توظفون احد ابناء عرقة المحتاج فيها فترة مسائيه يجي من الساعة 4 العصر لحد الساعه 11 .

فاتمنى ان الجمعية ينظر إليها بنظرهـ غير الحالية مو كل واحد يقول لا بكيفها غيرنا فتح بدل الجمعيه الـ 1000ـف غير المشاريع الاخرى .

واسف على الاطالة

ولكم اجمل تحياتي ،،،
اخوكم / عبدالعزيز والباقي ما تغير

[برنس عرقة]

السلام عليكم اخوي عبدالعزيز
عزيزي الجمعية بصراحة يرثى لها وهذا الشي معروف من زمااااااان
أولاً أبيك تدخل أنت ولا غيرك المستودع وشف الفضائح من صراصير وعدم نظافة هذا سابقاً لكن مدري عنها حالياً عشان ابري ذمتي
ثانياً أنت شف كم واحد مسكها قبل الهندي من غير المصري الي لهطها ومشى زي السلام عليكم ..
ثالثاً الأسعار ... الي يعملون في الجمعية من العمالة الاجنبيه حاطين الأسعار على كيفهم وحسب ما سمعت من احد الأشخاص الي أثق فيهم انه راح للجمعية مره وكان ما خذ أغراض لما جاء بيحاسب الهندي عطاه سعر غالي وكان فيه عبدالله الحرابي وقتها قال للهندي هذا سعره ( كذا وليس كذا ) هذا يدل على انه الهندي يبيع على كيفه ... مع انه عبدالله الحرابي انا كنت متوقعه انه هو الي ماسك الجمعية لكن قالو لي انه فقط يحب يوفر لها المواد الغذائية وغيرها أذا كانت ناقصة وذلك بدون مقابل .
بصراحة أنا أتمنى انه يمسكها احد أبناء عرقه الذي له باع في هذا المجال مثل الأخ العزيز والذي أكن له كل الاحترام والتقدير ( عبدالله الحرابي ابو ماجد) وان يوظف فيها احد أبناء البلدة كما تفضلت اخوي عبدالعزيز وان تنقل من عرقه القديمة إلى الحي الجديد أو يفتح لها فرع أخر في الحي الجديد وان تتوفر فيها جميع المواد الغذائية والكماليات
المشكلة في ذلك برضه انه أذا جاء أخر السنة قالو للمساهمين تعالو خذو أرباحك السنوية وخر عنهم الي بيعطونك 10000 ألف ريال وهي في الأخير 20 ريال ما تسوى جرجرتك وتعبك ..

[Abdulaziz1978]

شكراً على مرورك اخوي الكريم ،،

ونقطة مهم بالنسبة لفتح فرع اخرى او نقلها إلا الحي الجديد وتغير فترة الدوام

فاتمنى ان يضم اصوات اخرى مع اصواتنا

[عبدالعزيز المرشد]

وعليكم السلام ورحمة الله وبركاته يا عبدالعزيز

بصراحة صدقت، لكن أبشرك هناك عمل تطويري لعله يرى النور قريباً بإذن الله.

[Abdulaziz1978]

عساكم على القوهـ

[سفـ عرقه ـير]

كم هو مفرح بان تكون الجمعية التعاونية
توظف شباب سعوديين بإدارة الأخ العزيز
عبدالله الحرابي (( ابوماجد )) ويكون من
الشباب المعروف عنهم الخير حتى نقضي
على العطاله او تكون خبرة
للشاب في اختيار المستلزمات التي
يحتاجها بيته من حيث الجودة
والسعر الأقل ..
شكرا على اهتمامك اخي عبدالعزيز
دمتم بخير

[رويحي عرقه]

قلم صريح

كم لها الجمعية == تعمل
كم لها وبرياستها
وكم لها وباعضاءها
وكم وكم

ماهي النتيجة المستفادة لاهالي عرقه

طبعا عن نفسي واخواني لاشيء ---------- لازم اشتري ويسجلون وغيره ثم يجيككك ارباح
بمقدار علبة ببسي وزين تاخد معاها بسكوت مربعات -- شوها انا مبسوط --

بودي
عمل مايلي لتغييير ماهو مسمة بالجمعية


تغييير كامل لاعضاء ورئيس مجلس الادارة

يوجد شباب بعرقه فيهم من الحماس والعمل الدؤؤب مايكفي

يوجد من اهالي عرقه من هو يريد تقدمها وتطورها وهي مكانك سر

لها عمارة الي هيا بها ومليون ريال

لما لم يستفاد منها

عمل انتخابات \لاشباب اهل عرقه من الثقات والمخلصين
واستبدال القدماء -- شكرا لهم -- وماقصرو -- لكن لابد الى التغيير والتبديل

وبعد ذلك شرط اساسي تنتقل الى فوق من الان تشتري ارض وتعمرها وتكون


فعلا سوبر ستار ___ نيو لك ---- جمعية عرقه التعاونية --

وجهة نظر سلام

[ظهيرة ابو مدعج]

نعم وانا مع اخوي رويحي عرقة
بصراحة كلامك في قمة الروووعه
تشكر اخوي لاكن من الممكن انا يكون رئيس مجلس الادارة ( عبدالله الحرابي ) ونائب رئيس مجلس الادارة ( فهد المدعج )
وراح تشوفون التطور السريع

[رويحي عرقه]

نبغى تفاعل يااخواااااااااااه


في هذا الموضوع المهم

وعن نفسي سوف اطرح موضع اسبوعي مهم عن بلدة عرقه -- وسوف اطرح موضوع استثماري
وايضا يومي عن الاسهم والتوصيات وافضل الاسهم والمؤشر العام

===========
عدنا

اوكي ابوماجد اومهند ثقات وعلى العين والراس

بودي الريس يكون منتخب وويفضل من ابناء علية القوم افضل

الاعضاء ترشيح او مما قلت

لكن لابد من التحركككككككككككككككك
الى متى ونحن مكانك سر

من ترشحوووووووووون -- الله يخليك بابوعبدالله مكان زين -- مافي هالبلد الا هالولد

مع احترام وحبي وتقديري لشيخي الرواف

لكن مازلت واقول لابد من التغيييييييييييييييييييييييييييييييييييييييييير

0000000000000000000000000000000000000000

تحياتي

[ابو مهند]

مشكورين على هالمواضيع اللي تهم عرقة وتطويرها ومنها الجمعية التعاونية , وانا معكم لا بد من التطوير بس في شي خطير ما احد تطرق له وهو العمالة الاجنبية واملاكها في عرقة كم تموينات في عرقة يملكها بنقالي او هندي او باكستاني وبوفيهات ومطاعم والسبب ليس العمالة وانما الاهالي هم السبب سلموا العماله اموالهم او اسمائهم وخلو ( الدرعا ترعى )
.............. دمتم سالمين

[ظهيرة ابو مدعج]

الصراحه مافيه زعل ياخي الجميعه ماهي خاصه باهلي عرقة فقط صح
ياناس والله ثم والله اني اشوف شهرياً ناس ماهو من عرقة ويجون ياخذون مقاضي تبع الشيخ ؟؟؟؟؟؟؟ واخرته ناس والله لايحتاجون
اخرتها يخذون
كت كات وجالكسي وبرنقز
بالله هذاولي ناس محتاجين اسالكم بالله هذولي ناس محتاجين
والله الشيخ الامام ........ يجيب ناس من براء عرقة ويقوووول محتاجين ياخي ناس محتاجين يروووحن الجمعية اللي يتبعونها ماهي عرقة
والله اني تعب
انا لايش
قلت اللي يراسها الاستاذ - عبدالله الحرابي والنائب الاستاذ فهد المدعج
قسم بالله انك تشوف شي على اصوله
ياخي يكفي ان ابو مهند متطوع في جميعة البر لاكن له كلمته وله اراه وناس تسمع لبو منهد
يكفي والله يكفي

[أبو عبدالإله]

أخي ظهيرة ابو مدعج

حماسك الزائد تشكر عليه ولكن لا يجرك إلى الوقع في أخطاء شنيعة واتهام الناس بالباطل ؟! المحتاجون الذين تراهم آخر كل شهر لا علاقة للجميعة بهم وهي لا تتصدق عليهم وكل ما في الأمر أن أبو الحارث جزاه الله خير يشرف على جمعية خيرية خارج عرقة ترعى هؤلاء الفقراء من عدة أحياء مدينة الرياض وهي تصرف لهم معونات شهرية عينية وأبو الحارث جزاه الله خير اختار جميعة عرقة لصرف تلك المساعدات دعماً منه للجمعية وكذلك سهولة متابعة هؤلاء المحتاجين لأنه كل ما جاءه محتاج حوله على جميعة عرقة ومن ثم يدفع لهم .

أما بخصوص فهد المدعج فهو بلا شك طاقة يمكن لها أن تحسن من مستوى الجمعية وقد عرض عليه الأمير الدخول في مجلس الإدارة ولكن المصيبة أن أعضاء مجلس الإدارة لم يستقيل منهم أحد ؟! أما أبو ماجد فأعتقد أنه ترك الجميعة .

[رويحي عرقه]

اقول ياظهرة ابوشاكر

خل عنك احسن قول الشيخ او حرف من اسمه عبدالرحمن
ماكو مشكله
لانتكلم عن مستحق و\غير مستحق
نتكلم عن وضع الجميعة منذو مبطي وهي من جرف لدحيرة -- سوق الاسهم انهار من 21 الف الى 4000 وارتد زين وبعضها دبل

ووجمعية امدحني وريسني واشيلكككككككك مكانك سررررر الله يازين وقت ابورواف كان الوضع
احسن السيييئين
عموما تواصل الجميع مطلوب والمقترحات لابد توصل

وشلون نوصلها لهم اهم شيء وياليت احد من الاعضاء يوصلها وعلي انا جمع الاسماء
سلام

[ابواحمد]

الله يقويكم اصغربقاله في عرقه اكثرخدمه من الجمعيه وفي الحقيقه ياخوان هذالامريهم الجميع فلنكتب اقتراحات مدروسه ويكون هنك توقيع من الاشخص وترفع لمجلس الاداره على سبيل المثل فتح فرع في الحي الجديدتقوم بنشط ثاني فتح صيدليه فتح بنشر المحطه مستحيل كماتعرفون كذلك تلمس مايحتج البلد فلنبدا فان اول المطرقطره

[Abdulaziz1978]

اشكر جميع الاعضاء على التفاعل على الموضوع المطروح وفتح مجال لمواضيع اخرى ، هذا يدل على حبهم لبدة عرقة :d

[حـفـيـد مـــدعـــج]

والله الموضوع مهم لمن الي اهم زي مقال ابو مهند الاجانب والمحلت الي فاتحينه مسيطرين على سوق عرقه القديمه الظاهر كل البقالة والبوفيات للعمال الجانب يمكن مافيه الى الجمعيه التعاونيه بس الي هي تبع السكان موضوع مهم الرجاء الهتمام اكثر ونا ايد اخوي رويحي عرقه وتقبلو تحياتي>>>

[الغلا لعرقه]

اهم شي انها توصل لمستحقينها افضل من انها توصل لغير هم على العموم اهل عرقه فيهم الخير جواء وبراء
وشكرا على الحرص الزايد على مصلحه عرقه

[ابونواف]

السلام عليكم صدقت بقولك ابو عبدالعزيز بس ياخوي بومهند مالها دخل التموينات وكل ياخذ رزقه0